Bigg Boss 7 Telugu: బిగ్ బాస్ సీజన్ సెవెన్ ఈవారం మినహా వచ్చేవారం ఫైనల్ వీక్. ప్రస్తుతం హౌస్ లో ఏడుగురు ఉన్నారు. ప్రారంభంలో 14 మంది తర్వాత వైల్డ్ కార్డు రూపంలో ఐదుగురు మొత్తం 19 మంది ఎంట్రీ ఇస్తే.. ఫైనల్ వారానికి ముందు 12 మంది ఎలిమినేట్ అయ్యి ఏడుగురు మిగిలారు. ఈ ఏడుగురిలో శనివారం లేదా ఆదివారంలో ఒకరు లేదా ఇద్దరు ఎలిమినేట్ అయ్యే అవకాశాలు ఉన్నట్లు వార్తలు వస్తున్నాయి. 14వ వారానికి సంబంధించి నామినేషన్ పరంగా హౌస్ లో ఉన్న ఏడుగురు.. నామినేట్ అయ్యారు. పల్లవి ప్రశాంత్, యావర్, శివాజీ, అమర్, ప్రియాంక, శోభ, అర్జున్. అయితే వీరిలో శుక్రవారం వరకు అనధికారిక పోల్స్ లో శోభ మరియు ప్రియాంక చివరిలో ఉన్నారు.
కానీ శనివారం సాయంత్రానికి లెక్కలు మొత్తం తారుమారు అయినట్లు యావర్ డేంజర్ జోన్ లో ఉన్నట్లు సరికొత్త టాక్ నడుస్తోంది. సీజన్ సెవెన్ లో మొదటి నుండి యావర్ అద్భుతమైన గేమ్ ఆడుతున్నాడు. ఎక్కడా కూడా డబల్ ఫేస్ లేకుండా.. ఏదైనా ఉన్నదన్నట్టు మొహం మీద చెప్పేస్తున్నాడు. గేమ్ పరంగా లేదా నామినేషన్ సమయంలో..మాస్క్ లేని గేమ్ ఆడుతూ వస్తున్నాడు. ప్రారంభంలో భాష విషయంలో కొద్దిగా ఇబ్బందులు ఎదుర్కొన్న యావర్ తర్వాత మళ్లీ… కుదుటపడి మంచి పోటీ ఇచ్చే గేమ్ ఆడటం జరిగింది. ఎవిక్షన్ ఫ్రీ పాస్.. గెలిచే ఛాన్స్ వచ్చినా గాని వదులుకుని.. న్యాయమైన ఆటతీరుతో అందరి హృదయాలను గెలిచాడు.
కచ్చితంగా యావర్ టాప్ ఫైవ్ లో ఉంటారని అందరూ భావించారు. కానీ ఇప్పుడు ఫైనల్ వారానికి ముందు వారంలో నామినేషన్ లిస్ట్ లో డేంజర్ జోన్ లో ఉన్న పేర్లలో యావర్ పేరు కూడా వినిపిస్తోంది. దీంతో బిగ్ బాస్ ఆడియన్స్ అంతా షాక్ అవుతున్నారు. చాలావరకు వస్తున్న వార్తల ప్రకారం యావర్, ప్రియాంక, శోభ ఈ ముగ్గురిలో ఒకరు ఎలిమినేట్ అయ్యే అవకాశాలున్నట్లు టాక్ నడుస్తుంది. డబల్ ఎలిమినేషన్ అయినా ఈ ముగ్గురిలోనే ఇద్దరు ఫైనల్ వారానికి ముందే హౌస్ నుండి రాబోతున్నట్లు ప్రచారం జరుగుతుంది.