Bigg Boss 7 Telugu: బిగ్ బాస్ సీజన్ సెవెన్ 13వ వారం ఆట సాగుతోంది. ఆదివారం ఎపిసోడ్ లో గౌతమ్ కృష్ణ ఎలిమినేట్ కావాల్సి వచ్చింది. గౌతమ్ ఆల్రెడీ నాలుగో వారంలోనే.. ఎలిమినేట్ అయినట్లు ప్రకటించే సీక్రెట్ రూమ్ లోకి పంపి తర్వాత మళ్ళీ హౌస్ లోకి పంపించేశారు. ఎంతో దూకుడు స్వభావం కలిగిన గౌతం టాస్క్ లాడే టైములో.. చాలా తెలివిగా వ్యవహరిస్తూ ఉంటారు. కానీ నామినేషన్ పర్వం వచ్చేసరికి ఒక్కోసారి నరాలు తెగిపోయే విధంగా ఇతరులపై అరుస్తూ సీరియస్ అయిపోతాడు. గౌతమ్ ఆటలో అదే పెద్ద మైనస్. ఇదిలా ఉంటే హౌస్ నుండి ఎలిమినేట్ అవుతూ బిగ్ బాస్ వేదికపై శివాజీ గురించి మాట్లాడుతూ సంచలన వ్యాఖ్యలు చేయడం జరిగింది.
హౌస్ లో ఒకరితో ఒకలాగా మరికొందరితో ఇంకోలాగా శివాజీ ఉంటారని.. గౌతమ్ అన్నాడు. ఈ వ్యాఖ్యలకు శివాజీ తీవ్ర అసహనానికి లోనయ్యాడు. ఈ క్రమంలో గౌతమ్ కృష్ణ బయటకు వచ్చాక ఓ వెబ్ మీడియా ఛానల్ కి ఇంటర్వ్యూ ఇస్తూ కీలక వ్యాఖ్యలు చేయడం జరిగింది. బిగ్ బాస్ హౌస్ లో తాను ఎక్కడ కూడా… నటించలేదని చెప్పుకొచ్చారు. సందర్భాన్ని బట్టి అప్పుడు ఏదో అనిపిస్తే అదే ఫీలింగ్ తో గేమ్ ఆడాను. ఒకవేళ తొందరపాటుగా ఏదైనా మాట్లాడి ఉంటే.. నాకు తప్పు అని అనిపిస్తే వెంటనే క్షమాపణ కూడా చెప్పాను. ఈ క్రమంలో హౌస్ లో కరెక్ట్ అనే వ్యక్తులతో రిలేషన్ కంటిన్యూ చేశాను అని అన్నారు.
అయితే హౌస్ లో మొదట శివాజీ గారి విషయంలో కాస్త భయపడ్డాను. ఎందుకంటే ఆయన ఇండస్ట్రీలో సీనియర్ ఆర్టిస్ట్. దాంతో కొన్ని వారాలపాటు శివాజీ గారి గేమ్ గురించి పెద్దగా ప్రశ్నించలేదు. అయితే హౌస్ లో మనల్ని ఎవరు సపోర్ట్ చేయరు, ఎవరు మన గురించి స్టాండ్ తీసుకోరు, ఎవరి గేమ్ వాళ్ళు ఆడుతున్నారు. పక్కనున్న వాళ్ళ ఫీలింగ్స్ నీ పట్టించుకోరని సంగతి నాకు అర్థమయింది. ఇంకా అప్పటినుండి శివాజీ గారిని ప్రశ్నించడం మొదలు పెట్టాను అని గౌతమ్ చెప్పుకొచ్చారు. దాదాపు 12 వారాలు పాటు ఉన్నాను గౌతమ్ బిగ్ బాస్ షో నిర్వాహకులు నుండి… భారీగా రెమ్యూనరేషన్ పొందుకున్నట్లు సమాచారం.