నంద‌మూరి క‌ళ్యాణ్ రామ్ హీరోగా తెర‌కెక్కిన తాజా చిత్రం `బింబిసార`. టైమ్ ట్రావెల్ కాన్సెప్ట్‌తో కొత్త ద‌ర్శ‌కుడు శ్రీ వశిష్ఠ్ తెర‌కెక్కించిన ఈ సోషల్ ఫాంటసీ మూవీలో కేథ‌రిన్ థ్రెసా, సంయుక్త మీనన్ హీరోయిన్లుగా న‌టించారు. ఎన్టీఆర్ ఆర్ట్స్ బ్యానర్‌పై కె. హరికృష్ణ దాదాపు రూ. 40 కోట్ల బ‌డ్జెట్‌తో ఈ చిత్రాన్ని నిర్మించారు.
ఎం.ఎం. కీరవాణి, చిరంతన్ భట్ స్వ‌రాలు అందించారు. ఆగ‌స్టు 5న అట్ట‌హాసంగా విడుద‌లైన ఈ చిత్రం.. తొలి షో నుండే పాజిటివ్ రివ్యూల‌ను సొంతం చేసుకుంది. ఐదవ శతాబ్దం నుంచి నేటి ఆధునిక సమాజంలోకి వ‌చ్చేస్తాడు బింబిసారుడు. ఆ త‌ర్వాత ఎలాంటి ప‌రిణామాలు చోటుచేసుకున్నాయి అన్న ఆస‌క్తిక‌ర క‌థాంశంతో ఈ మూవీ సాగుతుంది.
మొదటి నుంచి చివరివరకూ కథ, క‌థ‌నం ఉత్కంఠభరితంగా సాగుతాయి. ఇందులో క‌ళ్యాణ్ ద్విపాత్రాభిన‌యం చేసి అద‌ర‌గొట్టేశాడు. ఇక టాక్ బాగుండ‌టంతో.. తొలి రోజు ఈ చిత్రం బాక్సాఫీస్ వ‌ద్ద బింబిసార బీభ‌త్సం సృష్టించింది. తెలుగు రాష్ట్రాల్లో రూ. 6.30 కోట్ల షేర్‌ను వ‌సూల్ చేసిన ఈ చిత్రం.. ప్రపంచవ్యాప్తంగా రూ. 7.27 కోట్ల షేర్‌ను సొంతం చేసుకుంది. ఇక ఏరియాల వారీగా `బింబిసార` ఫ‌స్ట్ డే టోటల్ క‌లెక్ష‌న్స్‌ను ఓ సారి గ‌మ‌నిస్తే..
నైజాం: 2.15 కోట్లు
సీడెడ్: 1.29 కోట్లు
ఉత్త‌రాంధ్ర: 0.90 కోట్లు
తూర్పు: 0.43 కోట్లు
పశ్చిమ: 0.36 కోట్లు
గుంటూరు: 0.57 కోట్లు
కృష్ణ: 0.34 కోట్లు
నెల్లూరు: 0.26 కోట్లు
———————————–
ఏపీ+తెలంగాణ= 6.30కోట్లు(9.30కోట్లు~ గ్రాస్)
———————————–
కార్ణాట‌క+రెస్టాఫ్ ఇండియా= 0.32 కోట్లు
ఓవ‌ర్సీస్ – 0. 65 కోట్లు
———————————–
టోటల్ వరల్డ్ వైడ్: 7.27కోట్లు(11.50కోట్లు~ గ్రాస్)
———————————–
కాగా, ప్రపంచవ్యాప్తంగా రూ. 15.6 కోట్ల రేంజ్ లో ప్రీ రిలీజ్ బిజినెస్ చేసిన ఈ చిత్రం.. రూ. 16.20 కోట్ల బ్రేక్ ఈవెన్ టార్గెట్ తో బరిలోకి దిగింది. అయితే ఈ మూవీ బాక్సాఫీస్ వ‌ల్ల క్లీన్ హిట్ అవ్వాలంటే మొదటి రోజు వ‌చ్చిన కలెక్షన్స్ కాకుండా ఇంకా రూ. 8.93 కోట్ల షేర్ ని అందుకోవాల్సి ఉంటుంది.
Mogalirekulu: నీకెంతా బలుపు రా?.. మొగలిరేకులు ఫేమ్ ఆర్కే నాయుడు పై సీనియర్ నటి ఫైర్..!