ఎన్టీఆర్ : యంగ్ టైగర్ ఎన్టీఆర్ ఆనందంతో ఉప్పొంగిపోతున్నారు. ఈయన ఆనందానికి కారణం లేకపోలేదు. ఎన్టీఆర్ అన్న నందమూరి కళ్యాణ్ రామ్ నటించిన తాజా చిత్రం `బింబిసార` నేడు అట్టహాసంగా ప్రేక్షకుల ముందుకు వచ్చి.. విశేష ఆధరణ అందుకుంటోంది. కళ్యాణ్ రామ్ కెరీర్లోనే తొలిసారి చేసిన హిస్టారికల్ మూవీ ఇది.
క్రీస్తు పూర్వం 5వ శతాబ్దానికి చెందిన మగధ రాజ్యాధిపతి అయిన బింబిసారుడు జీవత కథ ఆధారంగా టైమ్ ట్రావెల్ కాన్సెప్ట్తో ఈ మూవీని రూపొందించారు. ఎన్టీఆర్ ఆర్ట్స్ బ్యానర్పై కె. హరికృష్ణ నిర్మించిన ఈ చిత్రంతో శ్రీ వశిష్ఠ్ దర్శకుడిగా పరిచయం అయ్యాడు. కేథరిన్ థ్రెసా, సంయుక్త మీనన్ హీరోయిన్లుగా నటించారు. ఈ సోషల్ ఫాంటసీ మూవీకి తొలి షో నుంచే హిట్ టాక్ వచ్చింది.
సినిమా అద్భుతంగా ఉందంటూ అభిమానులే కాదు నెటిజన్లు కూడా ప్రశంసల వర్షం కురిపిస్తున్నారు. భారీ అంచనాల నడుమ విడుదలైన ఈ చిత్రానికి పాజిటివ్ రివ్యూలో వస్తుండటంతో.. ఖుషీ అయిపోయిన ఎన్టీఆర్ ట్విట్టర్ వేదికగా ఓ పోస్ట్ పెట్టారు. `బింబిసార గురించి గొప్ప విషయాలు వింటున్నా. తొలిసారి మనం సినిమాను చూసినప్పుడు అనుభవించిన అనుభూతినే ప్రజలు కూడా ఫీల్ అవుతుంటే ఎంతో ఆనందాన్ని కలిగిస్తోంది.
కళ్యాణ్ అన్నయ్యా.. బింబిసార రాజు పాత్రలో నిన్ను మరెవరూ రీప్లేస్ చేయలేరు. డైరెక్టర్ వశిష్ట సినిమాను అద్భుతంగా హ్యాండిల్ చేశారు. ఈ సినిమాకు లెజెండరీ ఎంఎం కీరవాణి బ్యాక్ బోన్ గా నిలిచారు` అంటూ తన ట్వీట్లో పేర్కొన్నాడు. దీంతో ఎన్టీఆర్ ట్వీట్ కాస్త నెట్టింట వైరల్ గా మారింది.
Mogalirekulu: నీకెంతా బలుపు రా?.. మొగలిరేకులు ఫేమ్ ఆర్కే నాయుడు పై సీనియర్ నటి ఫైర్..!