యంగ్ టైగర్ ఎన్టీఆర్, ప్రముఖ దర్శకుడు కొరటాల శివ కాంబినేషన్లో ఓ సినిమా తెర‌కెక్క‌బోతున్న సంగతి తెలిసిందే. `ఎన్టీఆర్ 30` వర్కింగ్ టైటిల్ తో ఈ చిత్రాన్ని గ‌త ఏడాదే అనౌన్స్ చేశారు. నందమూరి తారకరామారావు ఆర్ట్స్, యువసుధ ఆర్ట్స్ ఈ సినిమాను సంయుక్తంగా నిర్మించబోతున్నాయి.
మిక్కిలినేని సుధాకర్ ఈ చిత్రానికి నిర్మాతగా మార‌నుండ‌గా.. అనిరుధ్ రవిచందర్ సంగీతం అందించనున్నారు. అయితే ఈ సినిమా ప్రకటన వచ్చి చాలా కాలమే అయినా.. ఇప్పటి వరకు షూటింగ్ ప్రారంభం కాలేదు. `ఆర్ఆర్ఆర్` వంటి బిగ్గెస్ట్ బ్లాక్ బస్టర్ అనంత‌రం ఎన్టీఆర్ చేయ‌బోతున్న చిత్ర‌మిది.
ఇప్ప‌టికే ఈ సినిమాపై తారా స్థాయిలో అంచ‌నాలు ఏర్ప‌డ్డాయి. కానీ, ఈ మూవీ ఎంత‌కూ సెట్స్ మీద‌కు వెళ్ల‌క‌పోవ‌డంతో అభిమానులు తీవ్ర అస‌హ‌నం వ్య‌క్తం చేస్తున్నారు. మ‌రోవైపు ఈ సినిమాకు సంబంధించి రోజుకో వార్త నెట్టింట వైరల్ గా మారుతోంది. తాజాగా ఈ సినిమాకు కొరటాల టైటిల్ లాక్ చేశాడంటూ ఓ న్యూస్ తెరపైకి వచ్చింది.
దాని ప్రకారం.. ఎన్టీఆర్ చిత్రానికి కొరటాల `ఆ ఒక్కటి అడక్కు` అనే టైటిల్ను ఖరారు చేశారట. క‌థకు స‌రిగ్గా ఆ టైటిల్ స‌రిపోతుంద‌ని ఆయ‌న భావిస్తున్నాడ‌ట. నట కిరిటీ రాజేంద్రప్రసాద్ కెరీర్ లో భారీ బ్లాక్ బస్టర్ హిట్గా నిలిచిన చిత్రం `ఆ ఒక్కటి అడక్కు`. అయితే ఇప్పుడు అదే టైటిల్ను ఎన్టీఆర్ సినిమాకు కొరటాల పెట్టబోతున్నారని జోరుగా ప్రచారం జరుగుతోంది. మరి ఈ ప్రచారం ఎంత వరకు నిజమో తెలియాల్సి ఉంది.
Mogalirekulu: నీకెంతా బలుపు రా?.. మొగలిరేకులు ఫేమ్ ఆర్కే నాయుడు పై సీనియర్ నటి ఫైర్..!