Hi Nanna TRP: ఓటీటీలో హిట్ టాక్ దక్కించుకున్న హాయ్ నాన్న.. టీవీలో మాత్రం భారీ డిజాస్టర్.. కారణమేంటి..?

Hi Nanna TRP: రోజు రోజుకి ఓటీటీల హవా పెరుగుతూ వస్తుంది. ఈ క్రమంలోనే టీవీల హడావిడి పోతుంది. ఈ ప్రశ్న చాలా రోజులుగా వినిపిస్తున్నది. తాజాగా నాని హీరోగా నటించిన హాయ్ నాన్న మూవీకు వచ్చిన టిఆర్పి తో ఇది మరోసారి రుజువు అయింది. నెట్ఫ్లిక్స్ ఓటిటిలో హిట్ టాక్ తో సాగిన ఈ మూవీ టీవీల్లో మాత్రం ఎవ్వరు చూడకపోవడంతో దారుణమైన టిఆర్పి రేటింగ్ను సొంతం చేసుకుంది. ఈమధ్య జెమినీ టీవీలో ఈ మూవీ వరల్డ్ టెలివిజన్ ప్రీమియర్ గా వచ్చిన సంగతి తెలిసిందే. నాని హీరోగా మృణాల్ ఠాకూర్ హీరోయిన్ గా నటించిన ఈ సినిమాకు థియేటర్లలో మంచి రెస్పాన్స్ దక్కింది.

ముఖ్యంగా దసరా లాంటి మాస్ మూవీ తర్వాత నాని మరోసారి ఓ క్లాస్ మూవీతో రావడం మూవీ అంత చాలా క్లాసిగా సాగడంతో థియేటర్లలో నెగిటివ్ రివ్యూలే వచ్చాయి. ఇక ఆ ప్రభావం ఓటిటి పై పడకపోయినా టీవీ ప్రీమియర్లపై బాగానే పడింది. మార్చ్ 17వ తారీఖున జెమినీ టీవీలో ఈ మూవీ ప్రసారమైంది. అంతకు చాలా రోజుల ముందే ఈ విషయాన్ని అనౌన్స్ చేశారు. అయినా హాయ్ నాన్న మూవీ కి అర్బన్ ఏరియాలో 4.45 టిఆర్పి దక్కగా రూరల్ ఏరియాలో 4.06 టిఆర్పి దక్కింది. నాని లాంటి హీరో మూవీకి ఈ విధమైన టిఆర్పి దక్కడంతో తన అభిమానులు ఎంతో నిరాశకు గురయ్యారు.

ఫ్యామిలీతో కలిసి చూడగలిగే ఈ సినిమాకు ఇంత దారుణమైన టిఆర్పి అందుతుందని ఎవరు ఎక్స్పెక్ట్ చేయలేదు. ఓ పెద్ద హీరో సినిమాకు కనీసం రెండంకెలు దాటితేనే మంచి టిఆర్పి రేటింగ్ గా పరిగణిస్తారు. కానీ హాయి నాన్న మూవీ దానికి చాలా దూరంలోనే ఆగిపోయింది. నిజానికి ఈ మూవీ నెట్ఫ్లిక్స్ లోకి వచ్చినప్పుడు మంచి రెస్పాన్స్ ని దక్కించుకుంది. చాలా వారాలపాటు నెట్ఫ్లిక్స్ ఇండియా టాప్ లో ట్రెండింగ్ మూవీస్ లో ఒకటిగా నిలిచింది. ముఖ్యంగా హాయ్ పాప పేరుతో హిందీలో డబ్ కాగా ఈ మూవీకి తెలుగు కంటే కూడా అక్కడే మంచి రెస్పాన్స్ రావడం విశేషం.

కానీ టీవీలో మాత్రం ఈ సినిమాను ఎవరూ పట్టించుకోలేదు. తెలుగు ఎంటర్టైన్మెంట్ చానల్స్ లో స్టార్ మా, జీ తెలుగు, ఈటీవీ లాంటి చానల్స్ కూడా పోటీ ఇవ్వలేక కింద మీద పడుతున్న జెమినీ టీవీ ఈ మూవీపై భారీ ఆశలే పెట్టుకుంది. కానీ ఆ ఆశలని అన్ని హాయ్ నాన్న మూవీ నిరాశలు చేసిందని చెప్పుకోవచ్చు. తల్లిదండ్రుల మధ్య జరిగే కథ మరియు పిల్లలకి ఏదైనా అనారోగ్య సమస్య వస్తే తల్లి విడిచి వెళ్లిపోవడం. తండ్రి ఎంతో ప్రేమగా చూసుకోవడం చుట్టూ ఈ మూవీ తిరిగింది. అలాంటి ఈ ఎమోషనల్ మూవీకి ఇటువంటి టిఆర్పి రేటింగ్ దక్కడం బాధాకరం. ఏదేమైనా ఇది నాని కెరీర్ లో బిగ్ మార్క్ గా మిగిలిపోతుందని చెప్పొచ్చు. మరి నానీ తన నెక్స్ట్ మూవీ తో ఈ టాక్ మీ తొలగిస్తాడో లేదో చూడాలి.