Masthu Shades Unnai Ra OTT Release: సేవ్ ది టైగర్స్ వంటి సినిమాలలో తన నటనతో విధ్వంసం పుట్టించిన అభినవ్ గోమట్టం తాజాగా ” మస్తు షేడ్స్ ఉన్నాయ్ రా ” మూవీతో హీరోగా ఎంట్రీ ఇచ్చాడు. ఫిబ్రవరి 23న థియేటర్లలో రిలీజ్ అయిన ఈ మూవీ డీసెంట్ టాక్ ను సొంతం చేసుకుంది. అంతేకాకుండా ఇందులోని అభినవ్ గోమట్టం కామెడీ హైలెట్ గా నిలిచింది. ఇక అభినవ్ కామెడీ టైమింగ్ కూడా మంచి ప్రశంసలు దక్కాయి. ఔట్ అండ్ ఔట్ ఎంటర్టైనర్గా తెరకెక్కిన ఈ మూవీకు తిరుపతి రావు ఇండ్ల దర్శకత్వం వహించారు. ఇక థియేటర్లో విడుదలైన నెల రోజుల అనంతరం ఈ కామెడీ మూవీ ఓటీటీలోకి వచ్చేందుకు సిద్ధపడింది. ఈ మూవీ అమెజాన్ ప్రైమ్ లో మార్చ్ 29 నుంచి స్ట్రీమింగ్ కాబోతుంది. ఇక ఈ మూవీ యొక్క డైరెక్టర్ తరుణ్ భాస్కర్ తో పాటు అలీరేజా కీలక పాత్రలు పోషించారు.
వైశాలి రాజ్ హీరోయిన్ గా నటించింది. కామెడీ కి అంతర్లీనంగా ఓ మెసేజ్ ను జోడిస్తూ దర్శకుడు తిరుపతి రావు సినిమాను తెరకెక్కించాడు. మనోహర్ అలియాస్ మను ఓ పెయింటర్. పెయింటింగ్ కు అంతగా ఆదాయం లేకపోయినా ఆ కలనే నమ్ముకుని జీవిస్తూ ఉంటాడు. మనకు ఆదాయం అంతంత మాత్రంగానే కావడంతో పిల్లని ఇవ్వడానికి ఎవ్వరూ ముందుకి రారు. ఒక సంబంధం సెట్ అయినప్పటికీ పెళ్లికి ముందు రోజే ఆ అమ్మాయి తన ప్రియుడుతో వెళ్ళిపోతుంది. దీంతో ఊర్లోనే ఫ్లెక్సీ ప్రింటింగ్ బిజినెస్ పెట్టి బాగా డబ్బు సంపాదించాలని మనూ అనుకుంటాడు.
అప్పుచేసి పెట్టిన ఆ బిజినెస్ మధ్యలోనే ఎందుకు ఆగిపోయింది? చివరికి మన మనుకి పెళ్లయిందా? పిల్ల ఎవరు? అనే కథాంశం చుట్టూ ఈ మూవీ తిరుగుతుంది. ఇక ఈ సినిమాకు మొదటి రోజే 1.6 కోట్ల వసూళ్లను సాధించింది. ఓవరాల్ తో డియట్రికల్ రన్ లో మస్తు షేడ్స్ ఉన్నాయ్ రా నాలుగు కోట్లకు పైగానే సాధించినట్లు తెలుస్తుంది. ఈ నగరానికి ఏమైంది అనే సినిమాలో అభినవ్ గోమటం మస్తు షేడ్స్ ఉన్నాయ్ రా నీ లో అంటూ ఓ డైలాగ్ చెబుతాడు. ఇక ఆ డైలాగ్ తోనే ఈ మూవీకి టైటిల్ ఫిక్స్ చేసినట్లు తెలుస్తోంది. మళ్లీ రావా తో తెలుగు ప్రేక్షకులకి పరిచయమయ్యాడు అభినవ్. ఈ మూవీలో సుమంత్ స్నేహితుడిగా చక్కటి నటనతో ఆకట్టుకున్నాడు. ఇక ఇప్పుడేమో ఏకంగా హీరోగానే ఎంట్రీ ఇస్తున్నాడు.
ఇటీవల సేవ్ ది టైగర్స్ లో సైతం ఓ రోల్లో ప్లే చేసి తన నటనను మరోసారి నిరూపించుకున్నాడు. సేవ్ ది టైగర్స్ సీజన్ 1 లో మెయిన్ హైలెట్గా నిలిచిన అభినవ్ సీజన్ 2 లో కూడా తన నటనతో మైమరిపించాడు. ఇక ఈ సిరీస్ బెస్ట్ రేటింగ్ తో దూసుకుపోతున్నాయి. అలా ఒక మూవీ తరువాత మరొక మూవీ చేసుకుంటూ తన కెరీర్ ను మంచి దారి వైపుకు మళ్ళిస్తున్నాడు. ఇక రానున్న రోజుల్లో అభినవ్ గోమటం స్టార్ హీరో అయిన ఏమాత్రం ఆశ్చర్యపోవాల్సిన అవసరం లేదు. మరి థియేటర్లో అయితే అభినవ్ హీరోగా సక్సెస్ అయ్యాడు. మరి ఓటిటిలో సక్సెస్ అవుతాడో లేదో చూడాలి..!
Mogalirekulu: నీకెంతా బలుపు రా?.. మొగలిరేకులు ఫేమ్ ఆర్కే నాయుడు పై సీనియర్ నటి ఫైర్..!