OTT Movies: శుక్రవారం వస్తుందంటే థియేటర్స్ లోనే కాదు ఓటీటీల్లోనూ సందడి వేరె లెవల్ లో ఉంటుంది. పైగా ఈ శుక్రవారం శివరాత్రి. దీంతో పండక్కి ఓటీటీలోకి ఏయే చిత్రాలు వస్తాయా అని సినీ ప్రియులు ఆత్రంగా ఎదురు చూస్తున్నారు. ఇలాంటి తరుణంలో మూడు క్రేజీ సినిమాలు ఎటువంటి ప్రకటనా లేకుండా గప్చుప్ లో ఓటీటీలోకి వచ్చేశారు. మరి ఆ మూడు సినిమాలు ఏంటో.. ఆవి ఏయే ఓటీటీ ఫ్లాట్ ఫామ్స్ లో అందుబాటులోకి వచ్చాయి అన్నది ఇప్పుడు తెలుసుకందాం.
ఊరు పేరు భైరవకోన: టాలీవుడ్ టాలెంటెడ్ హీరో సందీప్ కిషన్, డైరెక్టర్ వీఐ ఆనంద్ కాంబోలో వచ్చిన మాంచి ఫాంటసీ హారర్ థ్రిల్లర్ మూవీ ఇది. వర్ష బొల్లమ్మ, కావ్య తాపర్ హీరోయిన్లుగా నటించారు. ఫిబ్రవరి 16న విడుదలైన ఈ చిత్రం మంచి విజయాన్ని అందుకుంది. రూ. 10 కోట్ల బ్రేక్ ఈవెన్ టార్గెట్ తో బరిలోకి దిగిన ఊరు పేరు భైరవకోన రూ. 20 కోట్లకుపైగా కలెక్షన్స్ దక్కించుకున్నది. అటువంటి ఈ చిత్రాన్ని లాంటి ముందస్తు ప్రకటన లేకుండా సైలెంట్గా ఓటీటీలోకి దించేశారు. శుక్రవారం నుంచి అమెజాన్ ప్రైమ్ వీడియోలో ఈ హారర్ మూవీ స్ట్రీమింగ్ అవుతోంది.
మెర్రీ క్రిస్మస్: శ్రీరామ్ రాఘవన్ దర్శకత్వంలో కత్రినా కైఫ్ మరియు విజయ్ సేతుపతి నటించిన మిస్టరీ థ్రిల్లర్ చిత్రమిది. సంక్రాంతి కానుకగా హిందీ, తమిళ భాషల్లో విడుదలైన ఈ చిత్రం మంచి టాక్ తెచ్చుకుంది. కానీ కమర్షియల్ గా బాక్సాఫీస్ వద్ద బోల్తా పడింది. అయితే ఈ సినిమా కూడా తాజాగా ఓటీటీలోకి వచ్చేసింది. నెట్ఫ్లిక్స్ లో హిందీ, తమిళ భాషల్లో స్ట్రీమింగ్ కు వచ్చింది.
అన్వేషిప్పిన్ కండెతుమ్: గత నెల మలయాళంలో విడుదలైన ఇంటెన్స్ క్రైమ్ థ్రిల్లర్ ఇది. డార్విన్ కురియకోస్ తెరకెక్కించిన ఈ చిత్రంలో మలయాళ స్టార్ టొవినో థామస్ మెయిన్ లీడ్ పోషించాడు. ఫిబ్రవరి 9న ప్రేక్షకుల ముందుకు వచ్చిన ఈ చిత్రం మంచి విజయాన్ని అందుకుంది. బాక్సాఫీస్ వద్ద రికార్డు స్థాయి కలెక్షన్లను సొంతం చేసుకుంది. పైగా ఐఎండీబీ ఈ సినిమాకు ఏకంగా 8.4 రేటింగ్ ఇచ్చింది. అలాంటి అన్వేషిప్పిన్ కండెతుమ్ నేడు ఓటీటీలో రిలీజ్ అయింది. నెట్ఫ్లిక్స్ లో ఈ మూవీ మలయాళంతో పాటు తెలుగులోనూ అందుబాటులో ఉంది.