`మహానటి` తర్వాత మలయాళ స్టార్ హీరో దుల్కర్ సల్మాన్ తెలుగుతో డైరెక్ట్గా చేసిన చిత్రం `సీతా రామం`. హను రాఘవపూడి దర్శకత్వంలో తెరకెక్కిన ఈ చిత్రాన్ని వైజయంతీ మూవీస్ సమర్పణలో స్వప్న సినిమా బ్యానర్ పై అశ్వినీదత్, ప్రియాంక దత్ నిర్మించారు. మృణాల్ ఠాకూర్ హీరోయిన్గా నటిస్తే.. రష్మిక మందన్నా కీలక పాత్రను పోషించింది.
అలాగే సుమంత్, తరుణ్ భాస్కర్, భూమిక, గౌతమ్ మీనన్ తదితరులు సైతం ముఖ్య పాత్రల్లో మెరిశారు. దేశభక్తి, ప్రేమ అంశాలతో ఓ అద్భుతమైన ప్రేమ కథగా రూపుదిద్దుకున్న ఈ చిత్రం నిన్న తెలుగుతో పాటు తమిళ్, మలయాళ భాషల్లో విడుదలై మంచి స్పందన దక్కించుకుంది. టాక్ బాగుండటంతో.. తొలి రోజు ఈ సినిమాకు భారీ కలెక్షన్స్ వస్తాయని అందరూ భావించారు. కానీ, దుల్కర్ అంచనాలను అందుకోలేకపోయాడు.
బరిలో కళ్యాణ్ రామ్ నటించిన `బింబిసార` ఉండటం, దానికి కూడా హిట్ టాక్ రావడంతో.. ఆ ప్రభావం `సీతారమం` కలెక్షన్స్ పై పడింది. దాంతో తొలి రోజు తెలుగు రాష్ట్రాల్లో రూ.1.50 కోట్ల షేర్ను మాత్రమే రాబట్టిన ఈ చిత్రం.. వరల్డ్ వైడ్గా రూ. 3.05 కోట్ల షేర్తో సరిపెట్టుకుంది. ఇక ఏరియాల వారీగా `సీతారామం` టోటల్ కలెక్షన్స్ ను ఓసారి గమనిస్తే..
నిజాం: 0.54 కోట్లు
సీడెడ్: 0.16 కోట్లు
ఉత్తరాంధ్ర: 0.23 కోట్లు
తూర్పు: 0.15 కోట్లు
పశ్చిమ: 0.8 కోట్లు
గుంటూరు: 0.16 కోట్లు
కృష్ణ: 0.13 కోట్లు
నెల్లూరు: 0.5 కోట్లు
———————————
ఏపీ+తెలంగాణ=1.50కోట్లు(2.25కోట్లు~ గ్రాస్)
———————————
కర్ణాటక+రెస్టాఫ్ ఇండియా- 0.15 కోట్లు
ఇతర భాషలు – 0.35 కోట్లు
ఓవర్సీస్- 1.05 కోట్లు
————————————
టోటల్ వరల్డ్ వైడ్ – 3.05కోట్లు(5.60కోట్లు~ గ్రాస్)
————————————
కాగా, ప్రపంచవ్యాప్తంగా రూ. 18.70 కోట్ల ప్రీ రిలీజ్ బిజినెస్ చేసిన ఈ చిత్రం.. రూ. 19.50 కోట్ల బ్రేక్ ఈవెన్ టార్గెట్తో బరిలోకి దిగింది. ఇప్పుడు ఈ మూవీ బాక్సాఫీస్ వద్ద సూపర్ హిట్ అవ్వాలంటే ఫస్ట్ డే వచ్చిన కలెక్షన్స్ కాకుండా ఇంకా రూ.16.45 కోట్ల షేర్ను వసూల్ చేయాలి. మరి ఈ టార్గెట్ను అందుకోవాలంటే దుల్కర్ ఇంకాస్త స్పీడ్ను పెంచాల్సిందే.
Mogalirekulu: నీకెంతా బలుపు రా?.. మొగలిరేకులు ఫేమ్ ఆర్కే నాయుడు పై సీనియర్ నటి ఫైర్..!