Sri Leela: టాలీవుడ్ లో స్టార్ హీరోయిన్గా కొనసాగుతున్నటువంటి శ్రీ లీల గురించి ప్రత్యేకమైన పరిచయం అవసరం లేదు. ఈ ముద్దుగుమ్మ తన అందం అభినయంతో ఎంతోమంది ప్రేక్షకులని ఆకట్టుకుంది. ఇక గత ఏడాది మొత్తం ఈమె సినిమాలే ఉన్నాయంటే ఈమె పాపులారిటీ ఏ రేంజ్ లో ఉందో మనం అర్థం చేసుకోవచ్చు.
ఇక కొత్త ఏడాదిలో గుంటూరు కారం మరియు ఎక్స్ట్రార్డినరీ మ్యాన్ వంటి సినిమాలతో ప్రేక్షకుల ముందుకు వచ్చి భారీ డిజాస్టర్ ని సొంతం చేసుకుంది శ్రీ లీల. అయినప్పటికీ ఏమాత్రం కృంగిపోకుండా తనపై మరియు తన నటన పై నమ్మకంతో కొనసాగుతుంది. ఇక ఓ ఇంటర్వ్యూలో పాల్గొన్న శ్రీ లీల కొన్ని ఆసక్తికర వ్యాఖ్యలు చేసింది. పీపుల్ మీడియా ఎంటర్టైన్మెంట్స్ నిర్మాణ సంస్థ ” ఒరిజినల్ ” అనే పేరుతో ఓ టాక్ షోను ప్లాన్ చేసింది.
ఈ షోకు సౌమ్య హోస్ట్ గా వ్యవహరిస్తుంది. ఇక ఈ షో కి ఫస్ట్ ఎపిసోడ్ కు గెస్టుగా శ్రీ లీలాను పిలిచారు. ఇక ఈ షో కి సంబంధించిన ప్రోమో తాజాగా రిలీజ్ అయింది. ఇది కాస్త ప్రస్తుతం సోషల్ మీడియాలో వైరల్ గా మారింది. ఈ ప్రోమో ని చూస్తుంటే ఎపిసోడ్ మొత్తం ఫుల్ ఫన్నీగా సాగినట్లు కనిపిస్తుంది. ఒక పక్క సౌమ్య ప్రశ్నలతో పాటు మరోపక్క శ్రీ లీల క్యూట్ క్యూట్ సమాధానాలతో అలరించింది.
ఇక ఈ ప్రోమోలో భాగంగానే మీకు బ్రెయిన్ ఉన్న అబ్బాయి కావాలా? లేదా ఫన్నీ మరియు జోయల్ గా ఉండే అబ్బాయి కావాలా? అని సౌమ్య ప్రశ్నించగా.. ఇందుకు శ్రీ లీల బదులిస్తూ.. బ్రెయిన్ లేకపోయినా పర్లేదు ఫన్నీ మరియు జోయల్ గా ఉండే అబ్బాయి నాకు కావాలి. బ్రెయిన్ తో చేసే పనులు నేను చూసుకుంటాను లే.. అంటూ ఫన్నీగా సమాధానం ఇచ్చింది. అదేవిధంగా తనకు ఇప్పటివరకు ఎవ్వరు ప్రపోజ్ చేయలేదని ఇంటర్వ్యూలో శ్రీ లీల వెల్లడించింది. అదేవిధంగా తనకి కోపం వస్తే అందరూ నవ్వుతారని ఫన్నీగా చెప్పుకొచ్చింది. ప్రస్తుతం ఇందుకు సంబంధించిన ప్రోమో సోషల్ మీడియాలో వైరల్ అవుతుంది.
Anchor Shyamala: యాంకర్ శ్యామలని చెప్పుతో కొట్టాలి.. శ్యామల పై నటుడు ఫైర్..!