Exercise: నడక మన శరీరానికి ఒక మంచి వ్యాయామం అనడంలో ఎలాంటి సందేహం లేదు. దీని వల్ల చాలా ఆరోగ్యకరమైన ఉపయోగాలున్నాయి కూడా. ఉదయాన్నే నిద్ర లేవడం తో రోజు ప్రారంభించి, పరగడుపున రెండు గ్లాసుల గోరువెచ్చని మంచి నీరు తాగిన కొద్ది సేపటి తరువాత, కనీసం అరగంట సేపు నడవాలి. అయితే వేగం గా నడిస్తే మంచిదా లేదా నెమ్మది గా నడిస్తే మంచిదా అన్న ప్రశ్న చాలా మంది ని వేదిస్తుంటుంది. సాధారణంగా మనం రోజూ నడిచేలానెమ్మదిగా వాకింగ్ చేయడం వల్ల శరీరంలో కొవ్వు కరుగుతుందే తప్ప అద్భుతమైన ఫలితాలు ఏమి కనిపించవు.
నెమ్మది గా నడక సాగించటం వలన శరీరానికి ఉల్లాసంగా అనిపించినా దాని ప్రభావం షరీరం లోని ఇంటర్నల్ పార్ట్స్పై పడే అవకాశం చాలా తక్కువ అనే చెప్పాలి.అదే వేగంగా నడవడం వల్ల గుండె పనితీరు మెరుగ్గా ఉంటుందని ఓ ఆధ్యయనంలో బయటపడింది. శ్వాస వేగాన్ని పెంచే వ్యాయామాలు గుండెను,ఇతర అవయవాలు యాక్టివ్ చేస్తాయి అని బ్రిటిష్ అధ్యయనకారులు తెలియచేస్తున్నారు. వేగవంతమైన నడక వల్ల మధుమేహం, గుండె జబ్బులు, శ్వాసకోస సమస్యలు, కాన్సర్,మానసిక ఒత్తిడి మరియు డిప్రెషన్ వంటివి రాకుండా ఉంటాయి అని సూచిస్తున్నారు .అలాగే నెమ్మదిగా నడిచేవారి లైఫ్ స్పాన్ 72 సంవత్సరాలు దాటడం లేదని పరిశోధకులు తెలియచేస్తున్నారు. అయితే వేగంగా నడిచే వారి లైఫ్ స్పాన్ మాత్రం 87 ఏళ్ల దాకా ఉంటుందని వారు గమనించారు .
ఈ క్రమంలోనే నెమ్మదిగా నడిచే వారి జీవిత కాలంలో ఫాస్ట్ వాకర్స్తో పోల్చి చుస్తే తగ్గిపోతుందని పరిశోధకులు క్లియర్ గా తెలియచేస్తున్నారు. వేగం గా నడవడం వల్ల మనిషి జీవిత కాలం పెరగడం తో పాటు ఎముకలు బలంగా ఉండి , మతిమరుపు వంటి సమస్యలు రాకుండా రక్షణ కలుగుతుంది అని పరిశోధనలు తెలియచేస్తున్నాయి అని నిపుణులు వివరిస్తున్నారు.కాబట్టి ఇంకనుంచి వాకింగ్ చేయాలనుకునే వారు వేగంగా నడవటం అలవాటు చేసుకోండి.