Badam Milk: సమ్మర్ లో చల్లగా తాగాలని అందరికీ ఉంటుంది.. కూల్ డ్రింక్స్ తాగడానికి చాలా మంది మక్కువ చూపిస్తారు.. కూల్ డ్రింక్స్ కంటే కూడా ఇంట్లోనే చల్లచల్లగా శీతల పానీయాలు తయారు చేసుకుని తాగడం బెస్ట్.. అటువంటి వాటిలో బాదంపాలు ముందు వరుసలో ఉంటాయి.. బాదంపాలు చేయడానికి కాస్త సమయం పడుతుంది.. అందుకని ఇన్ స్టెంట్ బాదంపాలు ఎలా తయారు చేసుకోవాలో ఇప్పుడు తెలుసుకుందాం..!
- Read the latest news from NEWSORBIT
- Follow us on facebook , Twitter , instagram and Googlenews
బాదంపాల పొడి తయారీ..
బాదం పప్పు ఒక కప్పు, పిస్తా పప్పు పావు కప్పు, యాలకులు పది, పటిక బెల్లం 150 గ్రాములు, పసుపు హాఫ్ స్పూన్, కుంకుమ పువ్వు చిటికెడు అవసరం.ముందుగా ఒక కళాయిలో బాదంపప్పు, పిస్తా, యాలకులు వేసి మూడు నిమిషాల పాటు వేయించాలి. తరువాత వీటిని మిక్సీ పట్టి పొడి చేసుకోవాలి. ఇందులోనే పటిక బెల్లం, పసుపు, కుంకుమ పువ్వు వేసి మెత్తగా పొడిలా చేసుకోవాలి. ఇలా సిద్ధం చేసుకున్న బాదం పాల పొడిని ఒక సీసాలో పక్కన ఉంచుకోవాలి. ఈ పొడి రెండు నెలల పాటు నిల్వ ఉంటుంది.
- Read the latest news from NEWSORBIT
- Follow us on facebook , Twitter , instagram and Googlenews
ఒక గ్లాస్ గోరు వెచ్చని పాలలో ఒకటి స్పూన్ బాదం పాల పొడి కలుపుకోవాలి. మీకు ఇంకా కావాలి అనుకుంటే రెండు టీ స్పూన్ల బాదం పొడి వేసి కలుపుకోవాలి. మీరు కావాలి అనుకుంటే వేడివేడిగా తాగవచ్చు లేదు అంటే ఒక అర గంట పాటు ఫ్రిజ్ లో ఉంచుకొని చల్లచల్లగా కూడా తాగవచ్చు. ఇలా బాదంపాల పొడి రెడీగా పెట్టుకుని ఎప్పుడు కావాలంటే అప్పుడు తాగచ్చు.
