Epiphora: మనిషి శరీరంలో ఎంత సున్నితమైనవి అవయవాలలో నేత్రాలు కూడా ఒకటి..! నయనాలను పదిలంగా కాపాడుకోవాలి.. ఏ చిన్న సమస్య తలెత్తినా అసౌకర్యానికి గురవుతుంది.. సాధారణంగా ఏడిస్తే కళ్లల్లో నుంచి నీళ్లు వస్తాయి.. అలా కాకుండా కంటి నుంచి మీకు తెలియకుండానే మీరు కారుతుంటే.. మాత్రం ఆలోచించాల్సిందే అంటున్నారు ఆరోగ్య నిపుణులు..! అసలు కంటి నుంచి నీరు కారడానికి గల కారణాలు ఏమిటో ఇప్పుడు తెలుసుకుందాం..!!
కళ్ళు పొడిబారినపుడు కంటి నుండి నీరు కారుతాయి. డ్రై ఐ సిండ్రోమ్ అనేది గాడ్జెట్ స్క్రీన్లను ఎక్కువగా చూడడం, దుమ్ము, ధూళి మొదలైన వాటికి విపరీతంగా గురి కావడం వలన కంటి కణజాలాలు దెబ్బతిని ఈ సమస్య ఏర్పడుతుంది. కొన్ని రకాల ఓరల్ మందులు ఉపయోగించే వారిలో కూడా ఈ సమస్య తలెత్తుతుంది. అంటే ఎలర్జీ కి సంబంధించిన మందులు, మొటిమలు తగ్గించడానికి వాడే మందులు, దంత సమస్యలకు వాడే మందులు వలన కళ్ళు పొడిబారిపోయి ఈ సమస్య వస్తుంది.
కళ్ళు ఇన్ఫెక్షన్ కి గురి అయినప్పుడు, బ్యాక్టీరియా, వైరస్ సోకినప్పుడు కంటి నుంచి నీళ్లు కారడం, చికాకు, కళ్ళు ఎర్రబడటం వంటి సమస్యలు వస్తాయి. శరీరం అలర్జీకి గురైనప్పుడు, అలర్జీకి సంబంధించిన మందులు వాడినప్పుడు కూడా కంటి నుంచి నీరు కారుతుంది. శరీరంలో రోగ నిరోధక శక్తి తగ్గినప్పుడు కూడా ఈ సమస్య వస్తుంది అదేవిధం గంగా కన్నీటి నాళాలకు ఏదైనా అవరోధం ఏర్పడితే అప్పుడు కూడా కంటి నుంచి నీరు కారుతుంది. వీటిలో ఏమైనా సమస్యలు ఉంటే వాటిని గుర్తించి తగిన జాగ్రత్తలు తీసుకోవాలి. వెంటనే వైద్యుడిని సంప్రదించి తగు జాగ్రత్తలు తీసుకోవడం ఉత్తమం.