టివి9 దేవిగా పేరు సంపాదించుకున్న దేవి నాగవల్లి మూడో వారంలో ఎలిమినేట్ అయిన విషయం తెల్సిందే. బిగ్ బాస్ 4 లో మొదటి రెండు ఎలిమినేషన్లు ఊహించిందే అయినా కానీ దేవి నాగవల్లి ఎలిమినేషన్ చాలా మందికి షాక్ ఇచ్చింది. ఎందుకంటే దేవి కన్నా వీక్ కంటెస్టెంట్స్ హౌస్ లో ఉన్నారు, ఆ వారం నామినేషన్స్ లో కూడా ఉన్నారు.
హౌస్ నుండి బయటకు వచ్చిన తర్వాత దేవి దూకుడుగా మాట్లాడుతోంది. నిజానికి బిగ్ బాస్ నుండి బయటకు వచ్చిన వారు ఆ షో గురించి పాజిటివ్ గా చెప్పింది తక్కువే. ఆ షో స్క్రిప్ట్ ప్రకారం నడుస్తుందని, వాళ్ళకి రేటింగ్స్ వచ్చే వాళ్లనే చూపిస్తారని బిగ్ బాస్ నుండి ఎలిమినేట్ అయిన కంటెస్టెంట్స్ చెబుతూ ఉంటారు. అలాగే దేవి నాగవల్లి కూడా బిగ్ బాస్ గురించి కామెంట్స్ చేసింది.
తను ఇంటి నుండి ఎందుకు బయటకు వచ్చానో ఇప్పటికీ తనకు కారణం తెలియదని, బయటకు వచ్చాక తెలిసింది నాకంటే తక్కువ ఓట్లు వచ్చిన వాళ్ళు ఉన్నారని చెబుతోంది. ఈ సందర్భంగా బిగ్ బాస్ లోకి రీ ఎంట్రీ ఇచ్చే ఛాన్స్ వస్తే మళ్ళీ వెళ్తారా అన్న ప్రశ్నకు దేవి తెలివిగానే సమాధానమిచ్చింది. మళ్ళీ అవకాశమొస్తే కచ్చితంగా వెళ్తాను. అయితే దానికి 14 రోజులు క్వారంటైన్ ఉండాలి. సో టెక్నీకల్ గా అది వర్కౌట్ అవ్వదు అనుకుంటున్నా.
నిజానికి దేవి ఒక సీరియస్ న్యూస్ రిపోర్టర్ గానే మనందరికీ తెలుసు. అయితే బిగ్ బాస్ లో దేవి గురించి అందరికీ తెలిసింది. ఆమె చాలా క్యాజువల్ గా ఉంటుందని తెలిసింది. టాస్క్ ల పరంగానూ దేవి చూపించిన ఉత్సాహం అందరికీ గుర్తుంది. అలాగే డ్యాన్స్ అయినా , స్కిట్ అయినా తన 100 శాతం ఇచ్చింది. ఈ నేపథ్యంలో దేవిని మళ్ళీ బిగ్ బాస్ లోకి పంపమని సోషల్ మీడియాలో అంటున్నారు. మరి బిగ్ బాస్ యాజమాన్యం ఆ దిశగా ఆలోచన చేస్తుందా?