Masala Upma: ఇడ్లీ హెల్తీ ఫుడ్ బ్రేక్ ఫాస్ట్ అని డైటీషియన్ చెబుతారు అయినప్పటికీ కొంతమంది పిల్లలు పెద్దలు ఇడ్లీ తినడానికి ఇష్టపడరు. దాంతో వండిన ఇడ్లీలు అలాగే మిగిలిపోతాయి.. వాటిని పారేయకండి.. టేస్టీ టేస్టీ మసాలా ఉప్మా చేసి పెట్టండి.. ప్లేట్ మొత్తం ఖాళీ చేసి ఇస్తారు..!
మసాలా ఉప్మా తయారీ విధానం..!
10 ఇడ్లీలు, సన్నగా తరిగిన ఉల్లిపాయలు అరకప్పు, తరిగిన టమోటా ఒక కప్పు, రెండు పచ్చిమిర్చి ముక్కలు, సన్నగా తరిగిన అల్లం, వెల్లుల్లి ముక్కలు, ఒక క్యాప్సికం, ఒక క్యారెట్ , ఒక స్పూన్ ఆవాలు, ఒక స్పూన్ శనగపప్పు, ఒక టేబుల్ స్పూన్ నూనె, ఉప్పు రుచికి సరిపడా, కరివేపాకు రెబ్బలు నాలుగు, సాంబార్ పొడి ఒక స్పూన్, కొత్తిమీర అవసరం.
ముందుగా ఒక గిన్నె తీసుకొని అందులో ఇడ్లీ రవ్వ వేసి చేతితో మెత్తగా పొడి చేసుకుని పక్కన పెట్టాలి. ఇప్పుడు ఒక పాన్ తీసుకొని అందులో నూనె వేసి వేడి చేసి అందులో శనగపప్పు, ఆవాలు, కరివేపాకు, పచ్చిమిరపకాయ తరుగు వేసి వేయించాలి. ఆ తర్వాత ఉల్లిపాయ, క్యారట్, క్యాప్సికం, టమోటా ముక్కలు ఉప్పు వేసి మరో రెండు నిమిషాలు వేయించాలి. ఆ తర్వాత అందులో సాంబార్ పొడి, కారం వేసి మరో నిముషం పాటు వేయించాలి. చివరగా ఇడ్లీ మిశ్రమాన్ని వేసి పైన రెండు చెంచాల నీళ్లు చల్లి మూత పెట్టి మూడు నిమిషాల పాటు ఉడికించాలి. చివరిలో కొత్తిమీర వేసి స్టవ్ ఆఫ్ చేయాలి. ఎంతో రుచికరమైన వేడివేడి ఉప్మా టెస్ట్ చేయడానికి సిద్దం. ఇడ్లీలను పారేయకుండా ఇలా డిఫరెంట్ గా ట్రై చేసి చూడండి. టేస్ట్ అదిరిపోద్ది.