Akhil Agent: టాలీవుడ్ యంగ్ హీరో అఖిల్ అక్కినేని కెరీర్ స్టార్టింగ్లో వరుస ఫ్లాపులను ఖాతాలో వేసుకున్నా.. గత ఏడాది విడుదలైన `మోస్ట్ ఎలిజిబుల్ బ్యాచ్లర్` మూవీతో తొలి హిట్ను ఖాతాలో వేసుకుని సక్సెస్ ట్రాక్ ఎక్కాడు. ప్రస్తుతం ఈయన స్టైలిష్ డైరెక్టర్ సురేందర్ రెడ్డితో `ఏజెంట్` అనే సినిమా చేస్తున్నాడు. ఇందులో సాక్షి వైద్య హీరోయిన్గా నటిస్తుండగా.. మలయాళ స్టార్ హీరో మమ్ముట్టి కీలక పాత్రను పోషిస్తున్నారు.
శరవేగంగా షూటింగ్ జరుపుకుంటున్న ఈ చిత్రంలో సిక్స్ ప్యాక్ బాడీతో అఖిల్ ఆకట్టుకోబోతున్నాడు. ఏకే ఎంటర్టైనమెంట్స్, సురేందర్ 2 సినిమా బ్యానర్లపై రామబ్రహ్మం సుంకరతో కలిసి సురేందర్ రెడ్డి స్వీయ నిర్మాణంలో తెరకెక్కిస్తున్నాడు. స్పై థ్రిల్లర్గా తెరకెక్కుతున్న ఈ మూవీ త్వరలోనే ప్రేక్షకుల ముందుకు రాబోతోంది.
ఈ సినిమా నుంచి తాజాగా సూపర్ అప్డేట్ బయటకు వచ్చింది. ఆగస్టు 12 ఏజెంట్ మూవీని విడుదల చేస్తున్నామంటూ చిత్రయూనిట్ అధికారికంగా ప్రకటించింది. ఈ మేరకు ఓ అదిరిపోయే పోస్టర్ను కూడా వదిలింది. మొత్తానికి రిలీజ్ డేట్ అనౌన్స్ చేయడంతో అక్కినేని ఫ్యాన్స్ ఫుల్ ఖుషీ అయిపోతున్నారు.
కాగా, ఈ సినిమాకు తమన్ సంగీతాన్ని అందిస్తున్నాడు. స్టైలిష్ మేకర్గా పేరున్న సురేందర్ రెడ్డి.. `సైరా` లాంటి హిస్టారికల్ సినిమా తర్వాత చేస్తున్న చిత్రమిది. దీంతో ఏజెంట్పై భారీ అంచనాలు ఏర్పడ్డాయి. ఈ సినిమా గనుక మంచి విజయం సాధిస్తే అఖిల్ కెరీర్కు మరింత ప్లస్ అవుతుందని భావిస్తున్నారు.
An Action Spectacle awaits you in theatres 😎
THE WILD ONE🤙🏻#AGENT⚡️ Reporting in theatres from AUGUST 12th 2022 💥💥💥#AGENTonAugust12 🔥@AkhilAkkineni8 @mammukka @DirSurender @AnilSunkara1 @hiphoptamizha @VamsiVakkantham@AKentsOfficial @S2C_Offl pic.twitter.com/lHKDvNwGjC
— AK Entertainments (@AKentsOfficial) March 11, 2022
Geetu royal: 5 నెలలుగా నరకం అనుభవిస్తున్న గీతు రాయల్.. కారణం ఇదే..!