Pawan Kalyan: యాంకర్ అనసూయ గురించి ప్రత్యేకంగా చెప్పనవసరం లేదు. జబర్దస్త్ షో ద్వారా మంచి గుర్తింపు సంపాదించిన అనసూయ 35 సంవత్సరాల వయసు కంటే ఎక్కువ ఉన్నాగాని… కుర్ర యాంకర్లకు మంచి పోటీ ఇస్తూ రాణించింది. టెలివిజన్ రంగంలో అనేక షోలలో ప్రేక్షకులను ఎంటర్టైన్ చేయడం జరిగింది. ఒకపక్క టెలివిజన్ రంగంలో విజయవంతంగా రాణిస్తూనే మరోపక్క సినిమా రంగంలో కూడా అవకాశాలు అందుకుని నటిగా మంచి పేరు సంపాదించింది. అదేవిధంగా సోషల్ మీడియాలో అనసూయకి తిరుగులేని ఫ్యాన్ ఫాలోయింగ్ ఉంది. దీంతో ఆమె అనేక షాపింగ్ ఓపెనింగ్ కార్యక్రమాలకు హీరోయిన్లకు తగ్గట్టుగానే అనసూయ ఆఫర్స్ అందుకుంది.
పరిస్థితి ఇలా ఉండగా ఏపీలో ఎన్నికలు జరగబోతున్న సంగతి తెలిసిందే. ఇంకా 50 రోజుల మాత్రమే సమయం మిగిలి ఉంది. ఈ క్రమంలో రాజకీయాలపై యాంకర్ అనసూయ సంచలన వ్యాఖ్యలు చేశారు. “నాకు రాజకీయాల మీద ఆసక్తి లేదు. కానీ ఒకవేళ నన్ను పొలిటికల్ పార్టీలు ప్రచారానికి పిలిస్తే వెళ్తాను. ఏ లీడర్ నచ్చితే ఆ పార్టీ తరఫున ప్రచారం చేస్తా. వాళ్ళ అజెండాలు నచ్చితే కచ్చితంగా మద్దతిస్తా. ఈ క్రమంలో జనసేన లీడర్ నన్ను ప్రచారానికి పిలిస్తే వెళ్లడానికి నేను సిద్ధంగా ఉన్నా” అని తాజాగా ఓ ఇంటర్వ్యూలో అనసూయ కీలక వ్యాఖ్యలు చేయడం జరిగింది.
పవన్ కళ్యాణ్ గొప్ప నాయకుడు. ఆయన పిలిస్తే ఖచ్చితంగా ప్రచారానికి వెళ్తా. జబర్దస్త్ కార్యక్రమాలలో నాగబాబు మరియు రోజా గారు నాకు చాలా క్లోజ్. సో ప్రస్తుత పరిస్థితుల్లో వాళ్ళిద్దరూ పిలిచిన వెళ్లడానికి తాను సిద్ధంగానే ఉన్నట్లు తెలిపారు. ఇదే సమయంలో ఆసక్తి బట్టి వెళ్లడం తప్ప అది నా వృత్తి కాదని అనసూయ చెప్పుకొచ్చారు. నేను దేనిని నమ్ముతాను దాన్నిబట్టి సపోర్ట్ చేస్తానని పేర్కొన్నారు. మామూలుగా రాజకీయాలంటే పెద్దగా ఇష్టం ఉండదు. కానీ మా నాన్న రాజకీయాలలో ఉండేవారు. నా వల్లే మా నాన్న రాజకీయాలు కూడా మానేశారని అనసూయ పేర్కొన్నారు. కానీ సొసైటీ లో ఉన్నాం కాబట్టి అందరికీ ఒక మంచి నాయకుడు కావాలని కోరుకుంటానని వ్యాఖ్యానించారు.
Mogalirekulu: నీకెంతా బలుపు రా?.. మొగలిరేకులు ఫేమ్ ఆర్కే నాయుడు పై సీనియర్ నటి ఫైర్..!