Bheemla Naayak: “బీమ్లా నాయక్” విడుదల కోసం పవన్ ఫ్యాన్స్ ఎప్పటినుండో ఎదురుచూస్తూ ఉన్నారు. మలయాళం సూపర్ డూపర్ హిట్ “అయ్యప్పనుమ్ కోషియుమ్” సినిమాకి రీమేక్ గా తెరకెక్కిన ఈ సినిమా పై భారీ అంచనాలు ఉన్నాయి. ఫస్ట్ టైం పవన్ కళ్యాణ్, రానా కలిసి నటించడంతో మెగా అభిమానులతో పాటు దగ్గుబాటి అభిమానులు కూడా సినిమా కోసం ఎప్పటి నుండో ఎదురు చూస్తున్నారు. “బీమ్లా నాయక్” లో పవర్ ఫుల్ పోలీస్ ఆఫీసర్ గా పవన్ కనిపిస్తున్నారు.
నిత్యామీనన్ పవన్ సరసన హీరోయిన్ గా నటిస్తుంది. ఇటీవలే ఈ సినిమాకి సంబంధించి షూటింగ్ మొత్తం కంప్లీట్ చేసుకోగా ఈ రోజు… సెన్సార్ కార్యక్రమాలు జరిగాయి. U/A సర్టిఫికేట్ సెన్సార్ బోర్డు అందించడం జరిగింది. వాస్తవానికి “బీమ్లా నాయక్” సంక్రాంతి పండుగ సమయంలో విడుదల కావాల్సింది. కానీ అదే సమయంలో రాజమౌళి “RRR” విడుదల చేస్తున్నట్లు ప్రకటించటంతో రెండు పెద్ద సినిమాలు విడుదల వల్ల ఎవరికి లాభం ఉండదని పవన్ కళ్యాణ్ తన సినిమాని వాయిదా వేయించారు.
అయితే ఇప్పుడు ఫిబ్రవరి 25 వ తారీకు విడుదల చేస్తున్నట్లు సినిమా ప్రకటించడంతో పాటు తాజాగా సెన్సార్ కార్యక్రమాలు పూర్తి కావటంతో.. పవన్ ఫ్యాన్స్ ఫుల్ హ్యాపీగా ఉన్నారు. ముఖ్యంగా సినిమాకి రచన స్క్రీన్ ప్లే డైలాగులు మాటల మాంత్రికుడు త్రివిక్రమ్ అందించడంతో మరింత అంచనాలు నెలకొన్నాయి. దాదాపు పొలిటికల్ గ్యాప్ తర్వాత “వఖిల్ సాబ్” రిలీజ్ అయిన తర్వాత..”బీమ్లా నాయక్” వస్తూ ఉండటంతో.. వెండి తెర పై పవన్ ని చూడటానికి అభిమానులు భారీ ఏర్పాట్లు చేసుకుంటున్నారు.
Manasichi Choodu: మేము పెళ్లి కాకముందే అటువంటి పని చేశాము.. మనసిచ్చి చూడు సీరియల్ ఫేమ్ కీర్తి బోల్డ్ కామెంట్స్..!