Devara: “RRR” వంటి అతిపెద్ద సూపర్ హిట్ తర్వాత ఎన్టీఆర్ “దేవర” అనే సినిమా ప్రకటించడం జరిగింది. ఎన్టీఆర్ కెరియర్ లో 30వ సినిమాగా ఈ సినిమా షూటింగ్ స్టార్ట్ అయింది. కొరటాల శివ దర్శకుడిగా ఈ సినిమాని ప్రారంభించి తర్వాత రెండు భాగాలుగా వస్తున్నట్లు ఆయనే స్వయంగా వీడియో ద్వారా తెలియజేశారు. గతంలో వీరి కాంబినేషన్ లో “జనతా గ్యారేజ్” అనే సినిమా రావడం జరిగింది. ఆ సినిమా సూపర్ డూపర్ హిట్ అయింది. దీంతో “దేవర” పై ఎన్టీఆర్ అభిమానులు భారీ అంచనాలు పెట్టుకున్నారు. ఈ క్రమంలో ఏప్రిల్ 5వ తారీఖు సినిమా రిలీజ్ చేస్తున్నట్లు.. గత ఏడాది తెలియజేయడం జరిగింది.
కాగా ఈ సినిమా నిర్మాతలలో ఒకరైన కళ్యాణ్ రామ్.. జనవరి నెలలో 80 శాతం షూటింగ్ కంప్లీట్ అయిందని.. చెప్పిన తేదీకి సినిమా వస్తుందని పలు ఇంటర్వ్యూలలో తెలియజేశారు. హాలీవుడ్ సినిమా కంటే “దేవర” అదిరిపోతుందని వ్యాఖ్యానించారు. ఈ సినిమాకి సంబంధించి యాక్షన్స్ సన్నివేశాలు చిత్రీకరిస్తున్న టైంలో విలన్ సైఫ్ అలీ ఖాన్.. గాయాలు పాలు కావడం జరిగింది. ఎడమ చేయి ఫ్రాక్చర్ కావడంతో ముంబైలో వైద్యులు సర్జరీ చేశారు. దీంతో “దేవర” షూటింగ్ ఆగిపోయింది. ఏప్రిల్ 5వ తారీఖు సినిమా రిలీజ్ అవ్వటం కష్టమని ఇండస్ట్రీలో ప్రచారం జరుగుతుంది. పరిస్థితి ఇలా ఉండగా ఇప్పుడు “శ్రీమంతుడు” సినిమాకి సంబంధించి కాపీరైట్ కేసులో డైరెక్టర్ కొరటాల శివ చిక్కుకొన్నారు.
“శ్రీమంతుడు” సినిమాని తాను రాసిన “చచ్చేంత ప్రేమ” నవల ఆధారంగా తీశారని రచయిత శరత్ చంద్ర కోర్టులో కేసు వేయడం జరిగింది. ఈ కేసుకు సంబంధించి విచారణ జరపటానికి బాధ్యులపై చర్యలు తీసుకునే విధంగా న్యాయస్థానాలు ఆదేశాలు కూడా ఇచ్చినట్లు వార్తలు వస్తున్నాయి. ఈ పరిణామంతో దర్శకుడు కొరటాల శివ చిక్కుల్లో పడినట్లు తెలుస్తోంది. “దేవర” సినిమా షూటింగ్ చివరి దశలో ఉండగా ఒకపక్క విలన్ కి ఫ్రాక్చర్ కావటం ఇప్పుడు దర్శకుడు కొరటాల శివ కేసులలో ఇరుక్కోవడంతో…నిజంగా బ్యాడ్ అంటూ ఎన్టీఆర్ ఫ్యాన్స్ కామెంట్లు చేస్తున్నారు.