Vakeel Saab: జనసేన అధినేతగా పవన్ కళ్యాణ్ 2019 ఎన్నికలలో ఓడిపోయిన తర్వాత పూర్తిగా రాజకీయాలకు పరిమితం అవుతారని అందరు భావించారు. ఆయన కూడా కట్టె కాలే వరకు రాజకీయాల్లోనే కొనసాగుతానాన్ని తెలియజేశారు. కానీ అభిమానుల నుండి ఒత్తిడి రావటంతో మళ్ళీ సినిమాలు స్టార్ట్ చేశారు. ఈ క్రమంలో మొదటిగా వేణు శ్రీరామ్ దర్శకత్వంలో “వకీల్ సాబ్” సినిమాతో రీ ఎంట్రీ ఇవ్వడం జరిగింది. ఈ సినిమాలో ఫస్ట్ టైం పవన్ లాయర్ పాత్రలో అదరగొట్టే యాక్షన్ చేయడం జరిగింది. భారీ ఎత్తున సినిమా ఓపెనింగ్స్ వచ్చాయి.
తమన్ అందించిన మ్యూజిక్ అభిమానులను ఎంతగానో ఆకట్టుకుంది. ప్రతికూల పరిస్థితులలో కరోనా భయం నెలకొన్న సమయంలో 2021 ఏప్రిల్ నెలలో విడుదలైన “వకీల్ సాబ్” కి సినిమా ప్రేక్షకులు బ్రహ్మరథం పట్టారు. సిట్టింగ్ శాతం తక్కువగా ఉండటంతో పాటు ఆడియన్స్ సినిమా థియేటర్లకు వచ్చే పరిస్థితి లేని సమయంలో రికార్డ్ స్థాయి కలెక్షన్స్ రాబట్టింది. ఈ సినిమా రిలీజ్ అయిన రెండు వారాలకే మళ్లీ దేశవ్యాప్తంగా లాక్ డౌన్ ప్రకటించటంతో పరిస్థితులు మొత్తం తారుమారయ్యాయి. ఇక అసలు విషయానికొస్తే ఈ సినిమా రిలీజ్ అయి రెండు సంవత్సరాలు కావస్తున్న నేపథ్యంలో డైరెక్టర్ వేణు శ్రీరామ్ సంచలన వ్యాఖ్యలు చేశారు.
“వకీల్ సాబ్ 2” ఉండనుందని స్పష్టం చేశారు. ఈ ఏడాది సెప్టెంబర్ రెండవ తారీకు పవన్ పుట్టినరోజు నేపథ్యంలో “వకీల్ సాబ్ 2” అధికారిక ప్రకటన చేయనున్నారని స్పష్టం చేశారు. ప్రస్తుతం ఈ సినిమా స్క్రిప్ట్ పై పని చేస్తున్నట్లు పేర్కొన్నారు. వేణు శ్రీరామ్ ప్రకటనతో పవన్ ఫ్యాన్స్ ఫుల్ ఆనందంగా ఉన్నారు. అన్నీ అనుకున్నట్లు ఈ ప్రాజెక్టు సెట్స్ ఫైకి వెళ్తే బాక్సాఫీస్ వద్ద కలెక్షన్స్ సునామీ గ్యారెంటీ అని చెప్పుకొస్తున్నారు. ప్రస్తుతం పవన్ కళ్యాణ్.. వరుస పెట్టి సినిమాలు చేస్తున్నారు. “హరిహర వీరమల్లు” సినిమా షూటింగ్ కంప్లీట్ అయింది. ప్రజెంట్ హరీష్ దర్శకత్వంలో ఉస్తాద్ భగత్ సింగ్, సుజిత్ దర్శకత్వంలో “OG” సినిమాలు చేస్తూ ఉన్నారు. ఈ సినిమాలు కంప్లీట్ అయిన వెంటనే “వకీల్ సాబ్” సెకండ్ పార్ట్ స్టార్ట్ కానున్నట్లు సమాచారం.
Family Star OTT Response: థియేటర్లలో అట్టర్ ఫ్లాప్.. ఓటీటీలో టాప్ లో ట్రెండింగ్.. థియేటర్లలోనే ఆడాలా ఏంటి? అంటున్న ఫ్యామిలీ స్టార్..!