ప్రముఖ నటుడు గొల్లపూడి మారుతీరావు తన తనయుడు గొల్లపూడి శ్రీనివాస్ రావు జ్ఞాపకార్థం గొల్లపూడి శ్రీనివాస్ అవార్డ్ను పెట్టి ఏటా సినిమా రంగానికి చెందిన పలువురికి అందచేస్తున్నారు. గత ఏడాది విడుదలైన సక్సెస్పుల్ చిత్రాల్లో తమిళ చిత్రం `96`కు గొల్లపూడి శ్రీనివాస్ అవార్డు దక్కింది. బెస్ట్ డెబ్యూ ఫిలిం డైరెక్టర్గా `96` చిత్ర దర్శకుడు సి.ప్రేమ్కుమార్ ఈ అవార్డును అందుకోనున్నారు. ఆసక్తికరమైన విషయమేమంటే.. 18 సంత్సరాల తర్వాత ఓ తమిళ చిత్రానికి ఈ అవార్డు దక్కడం గమనార్హం. 2001లో కుట్టి అనే తమిళ చిత్రానికి గొల్లపూడి శ్రీనివాస్ అవార్డ్ వచ్చింది. ఆ తర్వాత తమిళ చిత్రానికి దక్కడం ఇదే. ఈ అవార్డ్ క్రింద 150000 నగదు, మెమొంటోను అందచేస్తారు.
క్యూట్ ఎమోషనల్ లవ్స్టోరీగా తెరకెక్కిన `96` చిత్రం ఇటు ప్రేక్షకులు, అటు విమర్శకుల ప్రశంసలు దక్కించుకుంది. ఇప్పుడు ఈ సినిమాను తెలుగులో కూడా రీమేక్ చేస్తున్నారు. తెలుగు రీమేక్ను కూడా ప్రేమ్కుమార్ డైరెక్ట్ చేయడం విశేషం.