ఆగిపోలేదు మ‌రి!

క‌మ‌ల్ హాస‌న్‌, శంక‌ర్ కాంబినేష‌న్‌లో 23 ఏళ్ల త‌ర్వాత రూపొందుతోన్న చిత్రం `ఇండియ‌న్ 2`. కాజ‌ల్ అగ‌ర్వాల్ హీరోయిన్‌. 1996లో విడులైన ఇండియ‌న్‌(భార‌తీయుడు) సినిమాకు ఇది సీక్వెల్‌. శంక‌ర్‌తో `2.0` సినిమా త‌ర్వాత లైకా ప్రొడ‌క్ష‌న్ సంస్థ‌నే ఈ సినిమాను స్టార్ట్ చేయ‌డానికి సిద్ధ‌మైంది. అయితే బ‌డ్జెట్ స‌మ‌స్య‌ల కార‌ణంగా `ఇండియ‌న్ 2` ఆగిపోయింద‌ని వార్త‌లు వినిపించాయి. అయితే లేటెస్ట్ స‌మాచారం ప్ర‌కారం డైరెక్ట‌ర్ శంక‌ర్‌కి, నిర్మాణ సంస్థ లైకా ప్రొడ‌క్ష‌న్స్‌కు మ‌ధ్య స‌మ‌స్య‌లు తొల‌గిపోయాయ‌ట‌. జూన్ నుండి `ఇండియ‌న్ 2` సినిమా ప్రారంభం కానుంది. అన్నీ కార్య‌క్ర‌మాల‌ను పూర్తి చేసి సినిమాను 2021 సంక్రాంతి సంద‌ర్భంగా ఈ చిత్రాన్ని విడుద‌ల చేయాల‌నుకుంటున్నార‌ని కోలీవుడ్ వ‌ర్గాల స‌మాచారం.