Intinti Gruhalakshmi: అంకిత చేసిన చపాతీలు తిని కోపం వచ్చినా అనసూయమ్మ ఇష్టమొచ్చినట్లుగా మాట్లాడుతుంది.. ఇక తన సహనం కోల్పోయిన అంకిత కూడా ఎప్పుడు వంట చేయండి నేను నేర్చుకొని చేస్తుంటే మెచ్చుకోక పోగా తులసి ఆంటీ తో కంపారిజన్ చేస్తున్నారు ఇదే నాకు నచ్చడం లేదు అంటూ అంకిత రివర్స్ అవుతుంది మొత్తానికి చిన్న సమస్య కాస్త చిలికిచిలికి గాలివానలా మరి పెద్ద దుమారమే రేపింది.. ఈ సమస్యకి తులసి తన తప్పు లేకపోయినా తనే కారణమైంది.. నేటి ఎపిసోడ్ లో ఈ రచ్చ ఇంకా కొనసాగిందో లేదో ఇప్పుడు తెలుసుకుందాం..
అంకిత ఆఫీస్ మీటింగ్ కి అటెండ్ అవ్వడానికి జాయిన్ అవుతుండగా.. లేట్ అయింది అన్న కారణంతో తన ఆఫీసు వాళ్ళు తనకి టైం సెన్స్ లేదని చెప్తారు.. దాంతో ఈ రోజు మీటింగ్ కి అటెండ్ అయ్యే అవకాశం లేదని పనిష్మెంట్ విధిస్తారు. దాంతో అంకిత ముభావంగా ఉంటుంది. అది చూసిన అభి ఏమైంది అదోలా ఉన్నావు అని అడగగా.. ఏం లేదు అని చెబుతుంది. నువ్వు చెప్పే సమాధానంని బట్టి చూస్తేనే ఏదో అయిందని అర్థం అయింది. ఏంటో చెప్పు చిటికలో తీర్చేస్తా అంటాడు అభి.. ఇక ఇంట్లో చపాతీల వలన అయిన గొడవంతా చెప్తుంది. దీనికి కారణం మా నానమ్మ కదా పద తన సంగతి తేలుస్తాను అంటాడు. నా ప్రాబ్లం మీ నానమ్మ కాదు.. తులసి ఆంటీ అని చెబుతోంది.. దాంతో అభి ఒక్కసారిగా షాక్ అవుతాడు.. నీకు మా అమ్మ గుడి లేని దేవత కదా తను నీకు ప్రాబ్లం అంటావేంటి వినడానికి చాలా ఆశ్చర్యంగా ఉంది. అవును నిజమే ఆంటీ అంటే నాకు చాలా ఇష్టం. తనని ఆదర్శంగా తీసుకోవాలి అనుకున్నాను కానీ.. ఇంట్లో కోడలు అనగానే తులసి లోనే ఉండాలి అనుకుంటున్నారు. అది తప్పు కదా.. ప్రతిదానికి తులసి ఆంటీ లానే ఉండాలి అంటే మరి మా గొప్ప ఏమి లేదా అని అంటుంది.. ఇక ఏది ఏమైనా పర్వాలేదు అంకిత తో మాట్లాడదామని వచ్చిన తులసి.. అభి, అంకిత మాట్లాడుకుంటున్న మాటలు విని రూమ్ బయటే ఆగిపోతుంది. అంతలో లాస్య వచ్చి ఏం వింటున్నావు తులసి వాళ్ళు ఏం మాట్లాడుకుంటున్నారో అర్థం కావటం లేదు కదా.. మీ ఇద్దరిని ఎలాగైనా చెడగొడతాడు అని చెబుతుంది. కాలం ఎప్పుడు ఒకేలా ఉండదు.. తన తప్పు తను తెలుసుకుంటుంది.. కాలమే అన్నిటికీ సమాధానం ఇస్తుంది అని చెబుతుంది..
Read More: Devatha Serial: దేవుడమ్మను క్షమించమని అడిగిన దేవి..! నువ్వు మీ నాన్నాలా..!?
లాస్య ద్వారా ఇంట్లో జరిగిన గొడవ గురించి తెలుసుకున్న గాయత్రి అంకిత కు సపోర్ట్ తరపున మాట్లాడటానికి వస్తుంది. ఇక ఇంట్లో వాళ్లందరినీ కడిగి పారేస్తుంది. అభి ని నా కూతుర్ని చూసుకోవడం ఇలాగేనా అంటూ నిందిస్తుంది. తులసిని ఈ ఇంటికి వచ్చే ముందు నీ కూతురులా చుసుకుంటానని మాట ఇచ్చావు ఇదేనా.. చూసుకోవడం అంటూ తులసికి చివాట్లు పెడుతుంది.. ఇక అనసూయమ్మ తప్పంతా నాది తులసిని అంటావేంటి అని అంటుంది. మీరంతా ఇలా చేస్తే గృహహింస కింద మీ అందరినీ జైల్లో పెట్టి ఇస్తాను జాగ్రత్త అని గాయత్రీ వార్నింగ్ ఇస్తుంది. గొడవ జరిగి కొద్ది సహనం కోల్పోయి గాయత్రి మాట్లాడుతూ ఉంటుంది. ఇక తులసి ఈ గొడవకి పుల్ స్టాప్ పెట్టడానికి చేతులు ఎత్తి దండం పెట్టి ఇక చాలు అంటుంది. దాంతో గాయత్రి అక్కడ నుంచి వెళ్లి పోతుంది.
ఇక అంకితను లాస్య తనవైపుకి ఎలా తిప్పుకోవడానికి ప్రయత్నిస్తుంది.. ఇక అంకిత మారుతుందా లేదంటే ఉచ్చులో బిగుసుకుంటుందా.. తులసికి మరోసారి ఎదురు తిరిగేలా అంకితను లాస్య ఏం చేసి మార్చేసిందో రేపటి ఎపిసోడ్ లో తెలుసుకుందాం..
Family Star OTT Response: థియేటర్లలో అట్టర్ ఫ్లాప్.. ఓటీటీలో టాప్ లో ట్రెండింగ్.. థియేటర్లలోనే ఆడాలా ఏంటి? అంటున్న ఫ్యామిలీ స్టార్..!