హీరోయిన్ శ్రుతిహాస‌న్ కొన్నేళ్లుగా బ్రిటీష్ న‌టుడు మైకేల్ కొర్స‌లేతో డేటింగ్‌లో ఉంది. ఇద్ద‌రూ క‌లిసి శ్రుతిహాస‌న్ ఫ్యామిలీ ఫంక్ష‌న్స్‌కు హాజ‌ర‌య్యారు కూడా. ఈ విష‌యంపై ప్ర‌శ్నించిన ప్ర‌తిసారి శ్రుతిహాస‌న్ విష‌యాన్ని దాట‌వేస్తూ వ‌చ్చింది. క‌మ‌ల్ కూడా ఇద్ద‌రికీ త‌న అనుమ‌తినిచ్చినట్లు వార్త‌లు కూడా వ‌చ్చాయి. అయితే గ‌త కొన్ని రోజుల నుండి ఇద్ద‌రూ విడిపోయారంటూ వార్త‌లు విన‌ప‌డుతున్నాయి. దీనిపై శ్రుతి ఎక్క‌డా స్పందించ‌లేదు కానీ.. మైకేల్ కొర్స‌లే సోష‌ల్ మీడియా ద్వారా త‌మ బ్రేక‌ప్ విష‌యాన్ని తెలియ‌జేశాడు. “దుర‌దృష్ట‌వ‌శాతూ ఇద్ద‌రినీ జీవితం వ్య‌తిరేఖ మార్గాల్లో నిలిపింది. ఇద్ద‌రం ఒంట‌రిగానే జీవితాల్లో న‌డ‌వాలి. అయితే త‌ను నా బెస్ట్‌ఫ్రెండ్‌. ఆమెకు ఎప్పుడూ మంచి మిత్రుడిగానే ఉంటా..ఐ ల‌వ్ యూ“ అంటూ మెసేజ్‌ను పోస్ట్ చేశారు. శ్రుతి బ్రేక‌ప్ విష‌యాన్ని ఎక్క‌డా చెప్ప‌లేదు. కానీ.. ఆమె సినిమాల్లో న‌టించ‌డానికి సిద్ధ‌మైంది.