Pawan Kalyan Nani: టాలీవుడ్ ఇండస్ట్రీలో వైవిధ్యమైన సినిమాలు చేయడంలో నేచురల్ స్టార్ నాని ఎప్పుడు ముందుంటారు. మాస్ క్లాస్ ప్రేక్షకులను అలరించే విధంగా కథలో కొత్తదనం చూసుకుంటూ సినిమాలు చేస్తుంటారు. తెలుగు చలనచిత్ర పరిశ్రమలో పరిపూర్ణమైన నటులలో నాని ఒకరు. సెంటిమెంట్ అయినా కామెడీ అయినా యాక్షన్ కంటెంట్ అయినా ఒక్కసారి పాత్రలో పరకాయ ప్రవేశం చేశాడంటే వెండి తెర మీద నాని నట విశ్వరూపం చూపిస్తాడు. అదేవిధంగా ఇండస్ట్రీలో కొత్త దర్శకులకు అవకాశాలు కూడా కల్పిస్తుంటారు. ప్రస్తుతం వివేక్ ఆత్రేయ దర్శకత్వంలో “సరిపోధ శనివారం” అనే సినిమా చేస్తున్నారు.
ఈ సినిమా షూటింగ్ సరవేగంగా జరుగుతుంది. ఇదిలా ఉంటే తాజాగా ఇండస్ట్రీలో నాని నెక్స్ట్ చేయబోయే సినిమాలకు సంబంధించిన రకరకాల వార్తలొస్తున్నాయి. బలగం మూవీ దర్శకుడు వేణు తో సినిమా చేయబోతున్నట్లు గతంలో వార్తలు వచ్చాయి. లేటెస్ట్ గా పవన్ కళ్యాణ్ దర్శకుడితో మాఫియా బ్యాక్ డ్రాప్ యాక్షన్ సినిమా చేయడానికి రెడీ అయినట్లు ప్రచారం జరుగుతుంది. విషయంలోకి వెళ్తే పవన్ కళ్యాణ్ ప్రస్తుతం రాజకీయాలలో బిజీగా ఉన్నారు. ఈ క్రమంలో ఆయన నటిస్తున్న సినిమా షూటింగ్స్ అర్ధాంతరంగా ఆగిపోయాయి. ఈ రకంగా ఆగిపోయిన వాటిలో “OG” ఒకటి. ఈ సినిమాకి సుజిత్ దర్శకత్వం వహిస్తున్నారు. ఈ సినిమాలో పవన్ నీ మాఫియా లీడర్ గా ముంబై బ్యాక్ డ్రాప్ తరహాలో చూపిస్తున్నారు. ఈ ఏడాదిలోనే సినిమా రిలీజ్ కాబోతోంది. అయితే పవన్ కళ్యాణ్ సినిమా అయిన వెంటనే నానితో సుజిత్ సినిమా చేయడానికి రెడీ అయినట్లు లేటెస్ట్ టాక్ నడుస్తుంది.
కొద్ది నెలల క్రితం నానికి ఓ యాక్షన్ సినిమా స్టోరీ వినిపించడం జరిగిందట. స్టోరీ చాలా కొత్తదనంగా ఉండటంతో పాటు… యాక్షన్ సన్నివేశాలకు పెద్ద పేట వేసే విధంగా కంటెంట్ ఉండటంతో సుజిత్ చెప్పిన తీరు నచ్చడంతో నాని ఓకే చేసినట్లు వార్తలు వస్తున్నాయి. అంతేకాదు ఈ సినిమాకి “OG” నిర్మిస్తున్న డివివి దానయ్య.. నిర్మాతగా వ్యవహరిస్తున్నట్లు త్వరలోనే అధికారిక ప్రకటన చేయనున్నట్లు ఇండస్ట్రీ టాక్ వినిపిస్తోంది.
Geetu royal: 5 నెలలుగా నరకం అనుభవిస్తున్న గీతు రాయల్.. కారణం ఇదే..!