Niharika: మెగా కాంపౌండ్ నుండి హీరోయిన్ గా కొణిదల నిహారిక పరిచయమైంది. కానీ పెద్దగా సక్సెస్ కాలేకపోయింది. పలు సినిమాలు ఆడినా గాని.. సరైన రీతిలో రాణించలేకపోయింది. దీంతో తండ్రి నాగబాబుకి ముద్దుల కూతురుగా ఎంతో గారాబంగా పెరిగిన నిహారికకి.. పెళ్లి చేయడం జరిగింది. కానీ ఆ పెళ్లి కూడా రెండు సంవత్సరాలకి పెటాకులు అయింది. అనంతరం నిర్మాతగా మారిన నిహారిక.. పలు వెబ్ సిరీస్ లు… చిన్నపాటి సినిమాలు చేస్తూ ఉంది. ప్రస్తుతం సినిమా ఇండస్ట్రీ పైనే ఎక్కువ ఫోకస్ పెట్టడం జరిగింది.
అంతేకాకుండా కొన్ని ఓటీటీ ప్లాట్ ఫామ్ లలో ఎంటర్టైన్మెంట్ ప్రోగ్రాలు కూడా చేస్తూ ఉంది. ఇదే సమయంలో పలు సోషల్ మీడియా ప్లాట్ ఫామ్ లలో ఇంటర్వ్యూలు ఇస్తూ ఉంది. తన వ్యక్తిగత జీవితానికి సంబంధించి ఇంకా అనేక విషయాలు తెలియజేస్తూ ఉంది. ఈ రకంగానే రీసెంట్ ఇంటర్వ్యూలో రెండేళ్ల క్రితం హైదరాబాద్ లోని రాడిసన్ పబ్ గొడవ గురించి స్పందించింది. అప్పట్లో ఈ పబ్ పై పోలీసుల దాడిలో నటి కొణిదెల నిహారిక అరెస్టయ్యారు. ఆ విషయం గురించి ఇటీవల ఇంటర్వ్యూలో ఆమె వివరించారు. ‘నన్ను అన్యాయంగా ఇరికించారు. ఆరోజు స్కూల్ ఫ్రెండ్స్ అందరూ అక్కడ కలుసుకున్నాం.
సౌండ్ ఎక్కువ ఉందని మధ్యలోనే బయటికి వచ్చే సమయానికి అక్కడ పోలీసులు ఉన్నారు. తర్వాతే తెలిసింది ఎవరో డ్రగ్స్ తీసుకున్నారని. కానీ నా మీద కూడా కథనాలు వచ్చాయి’ అని వివరించారు. నిహారిక పబ్ గొడవలో ఇరుక్కోవడంతో ఆ సమయంలో మెగా ఫ్యామిలీ పై భారీ ఎత్తున ట్రోల్స్ జరిగాయి. ఇప్పటికీ ఈ విషయంలో జనసేన పార్టీని టార్గెట్ చేసుకుని ప్రత్యర్ధులు కామెంట్లు చేస్తుంటారు. ఇదిలా ఉంటే మొదటి పెళ్లి పేఠాకులు కావడంతో.. రెండో పెళ్లి విషయంలో ఇంటర్వ్యూలో స్పందించింది. పిల్లలు అంటే ఇష్టమని కాబట్టి కచ్చితంగా రెండో పెళ్లి చేసుకునే ఆలోచన ఉన్నట్లు అది ఎప్పుడో చెప్పలేనని నిహారిక తన మనసులో మాట ఇంటర్వ్యూలో బయటపెట్టింది.
Family Star OTT Response: థియేటర్లలో అట్టర్ ఫ్లాప్.. ఓటీటీలో టాప్ లో ట్రెండింగ్.. థియేటర్లలోనే ఆడాలా ఏంటి? అంటున్న ఫ్యామిలీ స్టార్..!