Pawan Kalyan: పవర్ స్టార్ పవన్ కళ్యాణ్ సినిమాలన్నీ మళ్ళీ ఒకదాని తర్వాత ఒకటి సెట్స్ మీదకు వచ్చేస్తున్నాయి. వాస్తవంగా అయితే, ఈ పాటికే మరో సినిమా కూడా రిలీజ్ కావాల్సింది. ఆ రేంజ్‌లో పవన్ కళ్యాణ్ వరుసగా సినిమాలను ప్రకటించడం షూటింగ్స్ కోసం దర్శక, నిర్మాతలకు డేట్స్ ఇచ్చేయడం చక చకా జరిగిపోయాయి. కానీ, అన్నీ ప్లాన్స్‌ను తారుమారు చేసింది కరోనా. వరుసగా మూడు వేవ్స్‌లో వచ్చిన కరోనా కారణంగా పవన్ సినిమాల షూటింగ్స్ ఎక్కడికక్కడే ఆగిపోయాయి. ఇటీవలే ఆయన భీమ్లా నాయక్ సినిమాతో వచ్చి భారీ హిట్ అందుకున్నారు.
ఇక ఈ నెల 8వ నెల నుంచి క్రిష్ దర్శకత్వంలో నటిస్తున్న హరిహర వీరమల్లు షూటింగ్‌లో పాల్గొంటున్నారు. 15 నెలలుగా చిత్రీకరణ దశలో ఆగిపోయిన ఈ సినిమాపై కొన్ని నెలలుగా ఎన్నో సందేహాలు. ప్రాజెక్ట్ మళ్ళీ మొదలవడం కష్టమని సోషల్ మీడియాలో ప్రచారం జరిగింది. మరో రెండు రోజుల్లో వీరమల్లు షూటింగ్‌లో పవన్ పాల్గొనబోతున్నారని మేకర్స్ నుంచి హింట్స్ వస్తున్నా కూడా మళ్ళీ ఈ సినిమాకు పవన్ బ్రేక్ వేశారని మళ్ళీ ఎప్పుడు సెట్స్‌లోకి అడుగు పెడతారో అంటూ ప్రచారం చేశారు. కానీ, అనుకున్నట్టుగానే పవన్ వీరమల్లు షూటింగ్‌లో జాయిన్ అయి శరవేగంగా భారీ యాక్షన్ సీన్స్ చేసేస్తున్నారు.
Pawan Kalyan: వచ్చే ఏడాది హరిహర వీరమల్లు, భవదీయుడు చిత్రాలను పవన్ రిలీజ్ చేసేలా ప్లాన్ చేస్తున్నారు.
ఇక ఇదే ఊపులో దర్శకుడు హరీశ్ శంకర్ తెరకెక్కించాల్సిన భవదీయుడు భగత్‌సింగ్ కూడా సెట్స్ మీదకు రాబోతోంది. ప్రముఖ నిర్మాణ సంస్థ మైత్రీ మూవీ మేకర్స్ ఈ సినిమాను భారీ బడ్జెట్‌తో నిర్మించబోతోంది. అయితే, తాజా సమాచారం మేరకు జూన్ నుంచి హరీశ్ శంకర్ ఈ సినిమా షూటింగ్ ప్రారంభించేందుకు షెడ్యూల్స్ ప్లాన్ చేస్తున్నారు. ముందు పవన్ కళ్యాణ్ లేని సన్నివేశాలను కంప్లీట్ చేయనున్నారు. వీరమల్లు కోసం పవన్ బల్క్ డేట్ ఇచ్చారు. అప్పటి వరకు ఆగితే ఇంకా భవదీయుడు ఆలస్యం అవుతుంది. ఇప్పటికే ఏడాదికి పైగా ప్రాజెక్ట్ ఆలస్యం అయింది. అందుకే, కొంత టాకీపార్ట్ పూర్తి చేసేందుకు రెడీ అవుతున్నారు. వీరమల్లు టాకీ పార్ట్ కంప్లీట్ చేసి పవన్ ఈ ప్రాజెక్ట్‌లో వచ్చేస్తారు. ఇక వచ్చే ఏడాది హరిహర వీరమల్లు, భవదీయుడు చిత్రాలను పవన్ రిలీజ్ చేసేలా ప్లాన్ చేస్తున్నారు.
Family Star OTT Response: థియేటర్లలో అట్టర్ ఫ్లాప్.. ఓటీటీలో టాప్ లో ట్రెండింగ్.. థియేటర్లలోనే ఆడాలా ఏంటి? అంటున్న ఫ్యామిలీ స్టార్..!