Prabhas: తెలుగు చలనచిత్ర పరిశ్రమలో ప్రతిష్టాత్మకంగా తెరకెక్కుతున్న సినిమాలు ప్రకటించిన తేదీలకంటే వాయిదాలు పడుతూ ఉన్నాయి. యంగ్ టైగర్ ఎన్టీఆర్ “దేవర” సినిమా ఏప్రిల్ 8వ తారీకు విడుదల కావాల్సి ఉండగా… దసరాకి వాయిదా పడింది. అయితే ఇప్పుడు ప్రభాస్ “కల్కి” సినిమా కూడా రెండోసారి వాయిదా పడుతున్నట్లు వార్తలు వస్తున్నాయి. ఆల్రెడీ గతంలో జనవరి 24వ తారీఖు విడుదల చేస్తున్నట్లు ప్రకటించారు. కానీ సినిమా షూటింగ్ ఆలస్యం కావడంతో ఆ తర్వాత మే 9వ తారీకు రిలీజ్ చేస్తున్నట్లు ప్రకటించడం జరిగింది. కానీ ప్రస్తుతం కూడా సినిమా షూటింగ్ ఆలస్యం అవుతూ ఉండటంతో.. మే నెలలో సినిమా రిలీజ్ అయ్యే అవకాశం లేదని ఇండస్ట్రీలో సరికొత్త వార్త వైరల్ అవుతుంది.
ఇదే సమయంలో కొత్త తేదీని త్వరలోనే ప్రకటించబోతున్నట్లు వార్తలు వస్తున్నాయి. కల్కి సినిమా అంతర్జాతీయ స్థాయిలో తీస్తున్నారు. వైజయంతి మూవీస్ బ్యానర్ లో 50వ సినిమా కావటంతో చాలా ప్రతిష్టాత్మకంగా తెరకెక్కిస్తున్నారు. సూపర్ హీరోస్ నేపథ్యంలో సినిమా షూటింగ్ జరుపుకుంటుంది. దీంతో హాలీవుడ్ టెక్నాలజీ తో యాక్షన్ సన్నివేశాలు చిత్రీకరిస్తున్నారు. ప్రభాస్ కెరియర్ లోనే అత్యంత హై బడ్జెట్ సినిమాగా నిర్మిస్తున్నారు. ఈ సినిమాలో ప్రభాస్ తో పాటు రానా మరి కొంతమంది తెలుగు హీరోలు అతిథి పాత్రలు చేసినట్లు సమాచారం. అమితాబచ్చన్ కీలక పాత్ర పోషించారు. దీపికా పదుకొనే మరియు దిశాపటాన్ని నటిస్తున్నారు. కమల్ హాసన్ విలన్ పాత్ర చేయడం జరిగింది.
వరుసపరాజయాలలో ఉన్న ప్రభాస్ “సలార్” సినిమాతో అద్భుతమైన విజయాన్ని అందుకోవటం జరిగింది. దీంతో హిట్ ట్రాక్ ఎక్కడంతో ప్రభాస్.. “కల్కి” సినిమాపై భారీ అంచనాలు నెలకొన్నాయి. ఇప్పటివరకు ఇండియాలో ఎవరు తీయని విధంగా దర్శకుడు నాగ్ అశ్విన్ ఈ సినిమాని చిత్రీకరించినట్లు ఇండస్ట్రీ వర్గాలు అంటున్నాయి. కచ్చితంగా కల్కి ఇండియన్ ఫిలిం ఇండస్ట్రీ స్థాయిని పెంచే సినిమా అని చెబుతున్నారు. దీంతో మే నెలలో రావలసిన ఈ సినిమా ఇప్పుడు మరోసారి వాయిదా పడినట్లు వార్తలు వస్తున్నాయి.