Pushpa Pushpa: “పుష్ప 2” నుంచి లిరికల్ సాంగ్ రిలీజ్ కావటం జరిగింది. “పుష్ప… పుష్ప.. పుష్ప.. పుష్పరాజ్” అంటూ విడుదలైన ఈ సాంగ్ అభిమానులను ఎంతగానో ఆకట్టుకుంది. అయితే ఈ పాటలో టీ గ్లాసు పట్టుకుని అల్లు అర్జున్ వేసిన డాన్స్ కి అభిమానులు మరింత ఎంజాయ్ చేస్తున్నారు. పుష్పరాజ్ గా ఐకాన్ స్టార్ స్వాగ్, స్టైల్ సినిమాపై మరింత ఇంట్రెస్ట్ పెంచేలా ఉన్నాయి. ఇక ఈ పాట చివరిలో తగ్గేదేలే.. అనే డైలాగ్ తో మరోసారి సినిమాపై మరింత హైప్ క్రియేట్ చేయడం జరిగింది. ఈ సాంగ్ ప్రస్తుతం ట్రెండింగ్ లో ఉంది. రాక్ స్టార్ దేవిశ్రీప్రసాద్ అందించిన సంగీతం సినిమాపై మరింత హైప్ క్రియేట్ చేస్తుంది.
ఆగస్టు 15వ తారీకు ప్రపంచవ్యాప్తంగా ఈ సినిమా రిలీజ్ కాబోతోంది. “పుష్ప” మొదటి భాగం 2021 లో విడుదలయ్యి అనేక రికార్డులు క్రియేట్ చేయడం జరిగింది. పాన్ ఇండియా నేపథ్యంలో విడుదలై అన్నిచోట్ల బ్లాక్ బస్టర్ విజయం సాధించింది. హిందీలో ఏకంగా 100 కోట్లకు పైగా కలెక్షన్స్ సాధించింది. “పుష్ప” మొదటి భాగం స్టోరీ, సాంగ్స్, డైలాగ్స్, డాన్స్ అన్ని వర్గాల ప్రేక్షకులను ఆకట్టుకుంది. ముఖ్యంగా తగ్గేదెలే డైలాగ్ మేనరిజం.. ప్రపంచాన్ని షేక్ చేయటం జరిగింది. “పుష్ప” సినిమాతో అల్లు అర్జున్ గ్రాఫ్ అమాంతం పెరిగింది. “పుష్ప” సినిమాకి గాను అల్లు అర్జున్ ఉత్తమ జాతీయ నటుడు అవార్డు కూడా గెలవడం జరిగింది. మ్యూజిక్ డైరెక్టర్ దేవీ శ్రీ ప్రసాద్ కూడా జాతీయ అవార్డు గెలుచుకున్నారు.
దీంతో ఇప్పుడు “పుష్ప” రెండో భాగం సినిమా… చాలా ప్రతిష్టాత్మకంగా నిర్మిస్తున్నారు. మొదటి భాగం సూపర్ డూపర్ హిట్ కావటంతో రెండో భాగం అత్యధికమైన భాషల్లో విడుదల చేయబోతున్నారు. ఆగస్టు 15 విడుదల తేదీ అని ఆల్రెడీ అధికారికంగా ప్రకటించడంతో.. సినిమా షూటింగ్ వేగవంతంగా జరుగుతుంది. ఇదిలా ఉంటే “పుష్ప” మొదటి భాగం ప్రమోషన్ కార్యక్రమాలు పెద్దగా జరగలేదు. అసలు హిందీలో ఎలాంటి ప్రమోషన్స్ జరగకపోయినా… సినిమా సూపర్ హిట్ అయింది. దీంతో రెండో భాగానికి మాత్రం ఎక్కువ ప్రమోషన్ కార్యక్రమాలు చేయాలని మేకర్స్ డిసైడ్ అయ్యారు. ఈ క్రమంలో తాజాగా విడుదల చేసిన “పుష్ప” రెండోభాగం మొదటి సాంగ్.. సోషల్ మీడియాలో దుమ్ము రేపుతోంది.