మెగా పవర్ స్టార్ రామ్ చరణ్ లైనప్ లో ఆర్ఆర్ఆర్ తర్వాత చిరంజీవితో కలిసి చేయబోయే ఆచార్య సినిమా ఉంది. ఫిబ్రవరిలో ఈ సినిమాకు డేట్స్ ఇచ్చినట్టు సమాచారం. టాలీవుడ్ హీరోలంతా వరుస ప్రాజెక్టులతో బిజీగా ఉంటున్నారు.. చరణ్ ఏ ప్రాజెక్ట్ కన్ఫర్మ్ చేయలేదని వస్తున్న వార్తలకు ఈ న్యూస్ చెక్ పెట్టినట్టే. సినిమాలో చరణ్ క్యారెక్టర్ పవర్ ఫుల్ గా ఉంటుందని తెలుస్తోంది. దీంతో మెగా ఫ్యాన్స్ లో అంచనాలు పెరిగిపోతున్నాయి. చరణ్ ఇంకా షూటింగ్ లో పాల్గొనకుండానే తమ హీరో ఇలా ఉంటాడని ఊహించుకుంటున్నారు. ఇదే ఆసక్తితో ఓ అభిమాని ఆచార్యలో చరణ్ లుక్ ను ఊహించి డిజైన్ చేసి సోషల్ మీడియాలో వదిలాడు. ప్రస్తుతం ఆ పోస్టర్ సంచలనాలు నమోదు చేస్తోంది.
చరణ్ ను చాలా మాసివ్ లుక్ లో ఈ పోస్టర్ డిజైన్ చేశాడు సదరు అభిమాని. ఒక వారియర్ లుక్ లో కథ నేపథ్యాన్నే తీసుకుని చరణ్ లుక్ వదిలాడు. దాదాపు నాలుగు గంటల శ్రమతో ఈ పోస్టర్ డిజైన్ చేసినట్టు తెలుస్తోంది. చాలా పవర్ ఫుల్ లుక్ తో ఉన్న ఈ స్టిల్ ను ఆచార్య అఫిషియల్ పోస్టర్ లానే రిలీజ్ చేశాడు. దీంతో ఒక్క క్షణం చరణ్ లుక్ నిజంగానే కొణిదెల ప్రొడక్షన్ హౌస్ నుంచి వచ్చిన అఫీషియల్ పోస్టర్ లానే అనిపించింది. ఈ పోస్టర్ లో చరణ్ లుక్ కు ఫ్యాన్స్ కు పూనకాలే వచ్చేస్తున్నాయి. దీంతో ఈ పోస్టర్ విపరీతంగా వైరల్ అవుతోంది. #Acharya హ్యాష్ ట్యాగ్ తో ట్విట్టర్ లో బాగా వైరల్ అవుతోంది.
నిలువు బొట్టుతో, హెడ్ బ్యాండ్ తో ఉన్న చరణ్ ఫ్యాన్ మేడ్ పోస్టర్ కు ఇంత రెస్పాన్స్ రావడం.. ఇండస్ట్రీ వర్గాలను సైతం ఆశ్చర్య పరుస్తోంది. కొరటాల శివ దర్శకత్వంలో తెరకెక్కుతున్న ఈ సినిమాకు మణిశర్మ సంగీతం అందిస్తున్నారు. ఇప్పటికే శరవేగంగా షూటింగ్ జరుపుకుంటున్న ఈ సినిమాపై భారీ అంచనాలు ఉన్నాయి. రామ్ చరణ్ పార్ట్ షూటింగ్ ఎప్పుడనేది టీమ్ అఫిషియల్ న్యూస్ రివీల్ చేయాల్సి ఉంది.
Mogalirekulu: నీకెంతా బలుపు రా?.. మొగలిరేకులు ఫేమ్ ఆర్కే నాయుడు పై సీనియర్ నటి ఫైర్..!