Ram Charan: మెగా పవర్ స్టార్ రామ్ చరణ్ ఎదుగుతున్న తీరు తండ్రికి మించిన తనయుడు అన్న విధంగా మారింది. చిరంజీవి వారసుడిగా సినిమా రంగంలో అడుగుపెట్టిన రామ్ చరణ్.. అభిమానులను తనదైన శైలిలో మెప్పిస్తున్నాడు. మెగాస్టార్ కొడుకు అయినా గాని ఎలాంటి సినిమా అయినా కష్టపడి పనిచేస్తున్నారు. డాన్స్ నటనపరంగా తండ్రికి తగ్గ తనయుడు అని అందరి చేత శభాష్ అనిపించుకుంటున్నాడు. “రంగస్థలం”లో చరణ్ నటన విశ్వరూపానికి చాలామంది ఫిదా అయ్యారు. ఇక ఆ తర్వాత మొన్న “RRR”తో చరణ్ ప్రపంచ స్థాయిలో సత్తా చాటడం జరిగింది. ఈ సినిమాతో చరణ్ గ్లోబల్ స్టార్ అయిపోయాడు.
ప్రస్తుతం శంకర్ దర్శకత్వంలో సినిమా చేస్తున్న సంగతి తెలిసిందే. “గేమ్ చేంజర్” టైటిల్ తో ఈ సినిమా షూటింగ్ తెరకెక్కుతోంది. పాన్ ఇండియా నేపథ్యంలో ఈ సినిమా విడుదల చేయడానికి రెడీ అవుతున్నారు. ఈ ఏడాది సెప్టెంబర్ నెలలో విడుదల కాబోతున్నట్లు వార్తలు వస్తున్నాయి. “RRR” తర్వాత 2022లో ఈ సినిమా షూటింగ్ మొదలయ్యింది. ఈ క్రమంలో మధ్యలో చాలా సార్లు షూటింగ్ వాయిదాలు పడుతూ వచ్చింది. ప్రస్తుతం మాత్రం షూటింగ్ శరవేగంగా జరుగుతోంది. తాజాగా హైదరాబాద్ ఇస్నాపూర్ కెమికల్ ఫ్యాక్టరీలో కీలక షెడ్యూల్ జరుపుకుంది. ఈ షెడ్యూల్లో హీరో రామ్ చరణ్ పాల్గొనడం జరిగిందట. దాదాపు 12 గంటల పాటు విషవాయువుల మధ్య షూట్ చేయడం జరిగిందంట.
ఈ సన్నివేశాలు సినిమాకి అతికీలకమని ప్రాణాలకు తెగించి మరీ మాస్క్ పెట్టుకుని.. చరణ్ షూటింగ్ లో పాల్గొనడం జరిగిందట. క్యారవ్యాన్ లోకి వెళ్లకుండా… షూటింగ్ కంప్లీట్ అయ్యేవరకు సెట్స్ లోనే ఉన్నారట. దీంతో చరణ్ డెడికేషన్ కి సినిమా యూనిట్ ఫిదా అయ్యిందట. ఏది ఏమైనా శంకర్ “గేమ్ చేంజర్” త్వరగా కంప్లీట్ చేయాలని చరణ్ మంచి పట్టుదల మీద ఉన్నారట. చరణ్ కెరియర్ లో ఇది 15వ సినిమా. దీంతో నిర్మాత దిల్ రాజు చాలా ప్రతిష్టాత్మకంగా తెరకెక్కిస్తున్నారు.