RRR – KGF : టాలీవుడ్ ఇండస్ట్రీ దర్శకధీరుడు ఎస్ఎస్ రాజమౌళి ఎంతో ప్రతిష్టాత్మకంగా తెరకెక్కిస్తున్న చిత్రం “ఆర్ఆర్ఆర్”. పాన్ ఇండియా మూవీగా తెరకెక్కుతున్న ఈ చిత్రం కోసం ప్రపంచవ్యాప్తంగా ఎంతో ఆసక్తిగా ఎదురు చూస్తున్నారు. ఈ సినిమాలో ప్రముఖ స్టార్ హీరోలైన మెగాపవర్ స్టార్ రామ్ చరణ్ తేజ్, యంగ్ టైగర్ ఎన్టీఆర్ కీలక పాత్రలో నటిస్తున్నారు.బాహుబలి తర్వాత రాజమౌళి తెరకెక్కిస్తున్న ఈ చిత్రంపై ప్రేక్షకులు భారీ అంచనాలే పెట్టుకున్నారు. విడుదలైన తర్వాత ఈ సినిమా ఎలాంటి రికార్డ్ సొంతం చేసుకుంటుందో తెలియదుగానీ ప్రస్తుతం మాత్రం ఈ సినిమా బారీ ఆఫర్లతో రికార్డ్ బ్రేక్ చేస్తోంది.
పాన్ ఇండియా చిత్రంగా తెరకెక్కుతున్న ఈ సినిమా కోసం బాలీవుడ్ “ఏ ఏ ఫిలిమ్స్ సంస్థ” బంపర్ ఆఫర్ ప్రకటించినట్లు తెలుస్తోంది. ఈ సమస్థ అన్ని భాషలతో పాటు విదేశీ హక్కులను కలిపి 500 కోట్లకు ఆఫర్ చేసినట్లు సమాచారం వినబడుతోంది. ఇదే కనుక నిజమైతే ఇప్పటివరకు ఎలాంటి చిత్రాలు బ్రేక్ చేయని రికార్డును రాజమౌళి త్రిబుల్ ఆర్ చేస్తోందని చెప్పవచ్చు. కానీ త్రిబుల్ ఆర్ పెద్ద సినిమానే అయినప్పటికీ బాహుబలి సినిమా అంత క్రేజ్ ను సంపాదించుకున్న లేదని మరోవైపు గుసగుసలు వినిపిస్తున్నాయి. అయితే ఈ సినిమాలో ఇద్దరు స్టార్ హీరోలు నటించడంతో ఈ సినిమా బాహుబలిని బ్రేక్ చేసే ఆస్కారం కూడా ఉంటుందని మరికొందరు అభిప్రాయపడుతున్నారు.
విడుదల కాకముందే రాజమౌళి త్రిబుల్ ఆర్ సినిమాకు ఇంత పెద్ద మొత్తంలో ఆఫర్ రావడం చూస్తుంటే ఈ సినిమాపై ప్రేక్షకులు భారీ అంచనాలు పెట్టుకున్నారని తెలుస్తోంది. ఇప్పటికే పాన్ ఇండియా చిత్రంగా ప్రశాంత్ నీల్ దర్శకత్వంలో వస్తున్న కేజిఎఫ్ చిత్రంపై ప్రేక్షకులు భారీ అంచనాలు పెట్టుకొని ఎంతో ఆతృతగా ఎదురుచూస్తున్నారు. ఆ సినిమాతో పోలిస్తే విడుదల కాకముందే త్రిబుల్ ఆర్ భారీ ఆఫర్ లను సంపాదించుకుందని చెప్పవచ్చు. ప్రస్తుతం ఆర్ఆర్ఆర్ చిత్రానికి వస్తున్న ఆఫర్లను చూస్తూ కేజిఎఫ్ లాంటి సినిమా డైరెక్టర్ లు సైతం ఆశ్చర్యం వ్యక్తం చేస్తున్నారని సమాచారం. అయితే ఈ సినిమాలో రామ్ చరణ్ అల్లూరి సీతారామరాజు పాత్రలో కనిపించగా, ఎన్టీఆర్ కొమరం భీమ్ పాత్రలో కనిపించనున్నారు. ఈ సినిమాలో సీత పాత్రలో బాలీవుడ్ బ్యూటీ అలియాభట్ నటించనున్నారు. అదే విధంగా ఎన్టీఆర్ కి జోడీగా ఒలివియా మోరిస్ నటిస్తున్నారు. ఇప్పటికే దాదాపు షూటింగ్ పూర్తి అయిన ఈ సినిమా అక్టోబర్ 13న ప్రేక్షకుల ముందుకు రానున్నట్లు చిత్ర బృందం తెలియజేశారు.