Marriage Offer : గత 10 సంవత్సరాల క్రితం ఆడపిల్లకు పెళ్లి చేయాలంటే ఎంతో భారంగా ఉండేది. సరైన వరుడు కోసం వెతుకుతూ కాళ్ళకు చెప్పులు అరిగిపోయేవి. కానీ ప్రస్తుత కాలంలో సీన్ రివర్స్ అయ్యింది. అబ్బాయిలకు అమ్మాయి దొరకడం ఎంతో కష్టంగా మారింది. దీంతో ఎంతో మంది యువకులు పెళ్లి వయసు దాటాక కూడా బ్రహ్మచారులుగా ఉంటున్నారు. ఆ విధంగా ఎన్నో పెళ్లి సంబంధాలు వస్తూ కుదరక బ్రహ్మచారిగా ఉన్న ఓ యువకుడికి బంపర్ ఆఫర్ తగిలింది. తమ పార్టీకి మద్దతు తెలిపితే చాలు… తనకు ఓ మంచి పిల్లను ఇచ్చి పెళ్లి చేసే బాధ్యత మాది అంటూ అద్భుతమైన ఆఫర్ ప్రకటించారు. దీంతో ఆ యువకుడి ఆనందానికి అంతులేకుండా పోయిన ఘటన కర్ణాటకలో చోటు చేసుకుంది. పూర్తి వివరాల్లోకి వెళితే…
కర్ణాటకలో ఇటీవల గ్రామపంచాయతీ ఎన్నికలు జరిగాయి. రామనగర్‌ జిల్లా కోడంబళ్లి అధ్యక్ష, ఉపాధ్యక్షులను ఎన్నుకునేందుకు జనవరి 11న షెడ్యూలు ఖరారు చేశారు. బీసి ఏ క్యాటగిరికి అధ్యక్ష స్థానం రిజర్వు కాగా, కాంగ్రెస్ కి చెందిన ఓ వ్యక్తి రేసులో ఉన్నాడు. అయితే అతనికి కొంతవరకు రాజకీయ అనుభవం ఉన్న అవార్డు సభ్యుడైన రవి మద్దతు అవసరం వచ్చింది. అయితే ఇప్పటివరకు రవికి పెళ్లి కాలేదు. ఈ విషయం తెలుసుకున్న కాంగ్రెస్ పార్టీ అధ్యక్షుడు”మా పార్టీకి మద్దతు తెలిపితే… నీకు మంచి పిల్లను ఇచ్చి పెళ్లి చేసే బాధ్యత మాదే”అంటూ ఆఫర్ ని ప్రకటించాడు. దీంతో రవి ఆనందానికి అవధులు లేకుండా పోయాయి.ఇన్నేళ్ల నుంచి పార్టీ కోసం కష్టపడి పనిచేసిన రవి ఒక్కసారిగా తన పార్టీకి రాజీనామా చేస్తూ కాంగ్రెస్ పార్టీకి మద్దతు తెలియజేశారు.
పెళ్లి కోసం పార్టీ మార్చిన అతనికి పెళ్లి కోసం పార్టీకి వ్యతిరేకంగా పనిచేయొద్దంటూ హెచ్చరించారు. రవి వారి మాట వినకపోవడంతో స్వయానా మాజీ ముఖ్యమంత్రి కుమారస్వామి చేత ఫోన్ చేయించినప్పటికీ రవి వినలేదు. ఈ విధంగా తన మాట లెక్క చేయకపోవడంతో తీవ్ర అసహనం వ్యక్తం చేసిన కుమారస్వామి అతనిపై చర్యలు తీసుకోవాలని భావించినట్లు తెలుస్తోంది. కానీ స్థానిక నాయకులు మాత్రం వేచి చూద్దామనే ధోరణి లో ఉన్నారు. చూశారు కదా…జీవితంలో పెళ్లికి ఎంతటి ప్రాధాన్యత ఉందో సాధారణ వార్డు మెంబర్ పెళ్లి కంటే రాజకీయ పార్టీ ముఖ్యం కాదని ఏకంగా అధిష్టాన్ని లెక్క చేయకపోవడం గమనార్హం. ఈ విధంగా పెళ్లి కోసం పార్టీ మారడంతో ఈ విషయం కాస్తా సోషల్ మీడియాలో వైరల్ గా మారింది.