Chiranjeevi Salman: టాలీవుడ్ ఇండస్ట్రీలో మెగాస్టార్ చిరంజీవి వరుసపెట్టి సినిమాలు చేస్తున్నారు. కరోనా తీసుకొచ్చిన గ్యాప్ …పుడ్చేయాలని ఫుల్ గా డిసైడ్ అయ్యి.. ఒక దాన్ని వెంటనే మరొక షూటింగ్ స్టార్ట్ చేస్తున్నారు. ఇదిలాఉంటే కొరటాల శివ దర్శకత్వంలో నటించిన “ఆచార్య” వేసవి కానుకగా ఏప్రిల్ లో విడుదలకు సిద్ధంగా ఉన్న సంగతి తెలిసిందే. త్వరలోనే ఈ సినిమాకి సంబంధించి ప్రమోషన్ కార్యక్రమాల్లో చిరంజీవి అదేవిధంగా చరణ్ పాల్గొననున్నారు. అయితే తాజాగా తమిళ దర్శకుడు మోహన్ రాజా దర్శకత్వంలో చిరంజీవి “గాడ్ ఫాదర్” సినిమా చేస్తున్న సంగతి తెలిసిందే.
మలయాళంలో మోహన్ లాల్ నటించిన లూసిఫర్ సినిమాకి ఇది రీమేక్. ఈ సినిమాని చరణ్ నిరంజన్ రెడ్డి సంయుక్తంగా కలిసి నిర్మిస్తున్నారు. సినిమాకి సంబంధించి కొద్దిపాటి చిత్రీకరణ జరిగింది. మలయాళం లూసిఫర్ సినిమాలో పృథ్వీరాజు చేసిన పాత్రకి ఇప్పుడు తెలుగులో రీమేక్ కి సంబంధించి సల్మాన్ ఖాన్ నీ సినిమా యూనిట్ అనుకోవటం జరిగింది. అయితే తాజాగా సల్మాన్ ఖాన్ సన్నివేశాలకు సంబంధించి ముంబై సమీపంలో ఎండి స్టూడియోస్ లో… షూటింగ్ చేస్తున్నారట. వారం రోజులపాటు జరగబోయే ఈ షెడ్యూల్లో సల్మాన్ ఖాన్ పాల్గొనటానికి రెడీ అయినట్లు టాక్.
ఇదిలా ఉంటే ముంబైలో షూటింగ్ నేపథ్యంలో చిరంజీవి… సల్మాన్ ఫామ్హౌస్లో ఉంటున్నారట. సల్మాన్ ఖాన్ కి దగ్గరగా ఉండే ఆత్మీయులే మీ అత్యంత విలాసవంతమైన ఫామ్ హౌస్ లో ఉంటారు. ఈ క్రమంలో చిరంజీవి ఆ ఫార్మ్ హౌస్ లో ఉండటం.. బాలీవుడ్ మీడియాలో సంచలనంగా మారింది. మొదటి నుండి మెగాస్టార్ మరియు సల్మాన్ఖాన్ కుటుంబాల మధ్య మంచి స్నేహ బంధం ఉంది. చిరంజీవి 60 వ పుట్టినరోజు వేడుకలు టైంలో కూడా సల్మాన్ హైదరాబాద్ రావడం జరిగింది. దీంతో ఆ చనువుతో సల్మాన్ ఈ సినిమాలో స్పెషల్ పాత్ర చేయడానికి ఒప్పుకున్నట్లు వార్తలు వస్తున్నాయి.
Family Star OTT Response: థియేటర్లలో అట్టర్ ఫ్లాప్.. ఓటీటీలో టాప్ లో ట్రెండింగ్.. థియేటర్లలోనే ఆడాలా ఏంటి? అంటున్న ఫ్యామిలీ స్టార్..!