Samantha: హీరోయిన్ సమంత గురించి ప్రత్యేకంగా చెప్పనవసరం లేదు. వరుస పరాజయాలతో ఉన్న సమంత గత ఏడాది “ఖుషి” సినిమాతో బ్లాక్ బస్టర్ విజయం సాధించింది. అంతకుముందు మాయోసైటిస్ వ్యాధిన బారిన పడటంతో… కొన్ని నెలలపాటు సినిమా షూటింగులకు బ్రేక్ ఇవ్వడం జరిగింది. మాయోసైటిస్ కి చికిత్స తీసుకోవడంతో చాలావరకు గ్లామర్ దెబ్బతింది. అంతకుముందు ఆమె నటించిన యశోద, శాకుంతలం సినిమాలు రెండు అట్టర్ ఫ్లాప్ అయ్యాయి. ఈ రెండు సినిమాలు చేయకముందు వ్యక్తిగతంగా సమంత జీవితం అనేక చిక్కుల్లో పడటం జరిగింది. ప్రేమించి పెళ్లి చేసుకున్న అక్కినేని నాగచైతన్యకి విడాకులు ఇవ్వటం జరిగింది. ఆ తర్వాత “పుష్ప” సినిమాలో ఐటెం సాంగ్ చేసి కెరియర్ పరంగా మంచి స్పీడ్ అందుకున్న సమయంలో మాయోసైటిస్ వ్యాధి బారిన పడటం జరిగింది.
ఈ క్రమంలో సమంత ఆరోగ్యం చాలా డ్యామేజ్ కావటంతో అభిమానులు ఎంతగానో బాధపడ్డారు. అయితే కొద్దిగా కోలుకున్న తర్వాత… ఒప్పుకున్న సినిమా షూటింగ్స్ కంప్లీట్ చేసి గత ఏడాది “ఖుషి” సినిమాతో హిట్ అందుకోవడం జరిగింది. సెప్టెంబర్ నెలలో “ఖుషి” రిలీజ్ తర్వాత సమంత విదేశాలకు వెళ్లిపోవడం జరిగింది. అక్కడే మాయోసైటిస్ కి సంబంధించి మిగతా బ్యాలెన్స్ చికిత్స చేయించుకుని డిసెంబర్ నెలలో హైదరాబాద్ రిటర్న్ అయింది. “ఖుషి” తర్వాత సమంత ఇప్పటివరకు కెమెరా ముందుకు రాలేదు. మరో ప్రాజెక్టు ఒప్పుకున్న దాఖలాలు కూడా లేవు. ఇదే సమయంలో ఓ నిర్మాణ సంస్థ సమంత ప్రకటించింది. దీంతో సమంత అభిమానులు ఎంతో టెన్షన్ పడుతున్నారు. అసలు సమంతకి సినిమాలు చేసే ఆలోచన ఉందా..? లేదా..? అనే ప్రశ్నలు వెల్లువెత్తుతున్నాయి.
తాజాగా సమంత నటించిన వెబ్ సిరీస్ “సిటాడెల్” కు డబ్బింగ్ స్టార్ట్ చేయడం జరిగింది. ఈ విషయాన్ని సమంత స్వయంగా సోషల్ మీడియాలో ఫోటో పోస్ట్ చేసి తెలియజేసింది. హీరో వరుణ్ ధావన్ సినిమా యూనిట్ తో కలిసి ఈ సిరీస్ రషెస్ చూసినట్లు తెలియజేసింది. “సిటాడెల్” లో యాక్షన్ సన్నివేశాలలో సమంత డూప్ లేకుండా నటించినట్లు సినిమా యూనిట్ తెలియజేయడం జరిగింది. దీంతో చాలాకాలం తర్వాత సమంత నటించిన వెబ్ సిరీస్ విడుదలకు సిద్ధం అవుతున్న నేపథ్యంలో అభిమానులు ఫుల్ హ్యాపీగా ఉన్నారు.
Geetu royal: 5 నెలలుగా నరకం అనుభవిస్తున్న గీతు రాయల్.. కారణం ఇదే..!