Sharukh Khan: ఇండియన్ ఫిల్మ్ ఇండస్ట్రీలో ప్రపంచవ్యాప్తంగా తిరుగులేని క్రేజ్ ఉన్న హీరో బాలీవుడ్ బాద్ షా ..కింగ్ ఖాన్ .. షారుక్ ఖాన్. షారుక్ సినిమా రిలీజ్ అవుతుంది అంటే చాలు ఇండియాలోనే కాదు ప్రపంచ వ్యాప్తంగా సినిమా ప్రేక్షకులు ఎంతో ఆతృతగా మనోడు సినిమా చూడటానికి ఎదురుచూస్తుంటారు. ఇండియాలో ఏ హీరోకి లేని వరల్డ్ వైడ్ మార్కెట్ షారుక్ కి ఉంది. విదేశాలలో షారుక్ ఖాన్ సినిమాలకు జనాలు బ్రహ్మరథం పడతారు. అయితే ఇటీవల గత కొంత కాలం నుండి సరైన హిట్ లేక గడ్డుకాలం ఎదుర్కుంటున్నాడు. ఇక ఇదే సమయంలో దెబ్బ మీద దెబ్బ అన్నట్టుగా కొద్ది నెలల క్రితం .. కొడుకు ఆర్యన్ ఖాన్ విషయంలో కూడా అనేక ఇబ్బందులు ఎదుర్కోవటం తెలిసిందే.
డ్రగ్స్ కేసులో ఆర్యన్ ఖాన్ ఇరుక్కోవడం… బెయిల్ కోసం షారుక్ ఖాన్ అనేక తంటాలు పడటం వంటి సంఘటనలు వార్తలలో మనం విన్నాం. కొడుకు డ్రగ్స్ కేసు విషయంలో షారుక్ ఖాన్ పై బాగా నెగిటివిటీ రావడం జరిగింది. అయితే ఆ తర్వాత ఆర్యన్ ఖాన్ కి బెయిల్ రావడం అంతా తెలిసిందే. ఇదిలా ఉంటె ఇటీవల ఐపీఎల్ వేలంపాటలో ఆర్యన్ ఖాన్.. చాలా చురుకుగా వ్యవహరించి మీడియాలో హాట్ టాపిక్ అయ్యాడు.
ఇదే సమయంలో ఆర్యన్ ఖాన్ సినిమా కెరియర్ పరంగా ఇండస్ట్రీలోకి అడుగు పెట్టడానికి రెడీ అయినట్లు బాలీవుడ్ మీడియా వర్గాలలో వార్తలు వినిపిస్తున్నాయి. అయితే తండ్రి మాదిరిగా నటుడిగా కాకుండా స్టోరీ రైటర్ గా పెన్ పట్టుకోవడానికి రెడీ అయినట్లు సమాచారం. ఈ క్రమంలో ఓ వెబ్ సిరీస్ కి రైటర్ గా పని చేస్తున్నట్లు టాక్. ప్రారంభంలో నటుడిగా రాణించాలనీ అనుకున్న గాని స్టోరీ రైటర్ గా అయితే బాగుంటుందని… ఆర్యన్ ఖాన్ డిసైడ్ అయినట్లు లేటెస్ట్ వార్త బాలీవుడ్ మీడియా సర్కిల్స్ లో వైరల్ అవుతుంది.
Family Star OTT Response: థియేటర్లలో అట్టర్ ఫ్లాప్.. ఓటీటీలో టాప్ లో ట్రెండింగ్.. థియేటర్లలోనే ఆడాలా ఏంటి? అంటున్న ఫ్యామిలీ స్టార్..!