Goodachari 2: 2018లో అడవి శేష్ హీరోగా “గూఢాచారి” బ్లాక్ బస్టర్ విజయం సాధించడం తెలిసిందే. ఇప్పుడు ఆ సినిమాకి సీక్వెల్ గా “గూఢాచారి 2” సినిమా షూటింగ్ ప్రారంభించడం జరిగింది. పాన్ ఇండియా నేపథ్యంలో వినయ్ కుమార్ దర్శకత్వంలో పీపుల్ మీడియా ఫ్యాక్టరీ, అభిషేక్ అగర్వాల్ ఆర్ట్స్, ఏకే ఎంటర్టైన్మెంట్స్ నిర్మాణంలో సంయుక్తంగా ఈ సినిమాని తెరకెక్కిస్తున్నారు. కొన్ని నేరాల క్రితమే ఈ సినిమాకి సంబంధించి ప్రీ ప్రొడక్షన్ పనులు శరవేగంగా జరిగాయి. ఈ సినిమా ప్రకటన ఈ ఏడాది జనవరిలో ప్రకటించిన గాని తాజాగా రెగ్యులర్ షూటింగ్ మాత్రం డిసెంబర్ 11వ తారీకు ప్రారంభించడం జరిగింది.
ఈ సినిమాతో ఎడిటర్ వినయ్ కుమార్… దర్శకుడిగా పరిచయం కాబోతున్నారు. దాదాపు సినిమా ప్రకటించి ఏడాది అయినా గాని.. ప్రీ ప్రొడక్షన్ పనులు.. ఆలస్యం కావడంతో మధ్యలో ప్రాజెక్టు ఆగిపోయినట్లు వార్తలు వచ్చాయి. కానీ లేటెస్ట్ గా మాత్రం..”గూఢాచారి 2″ షూటింగ్ స్టార్ట్ అయినట్లు ప్రకటించడం మాత్రమే కాదు అడవి శేషు ఫోటో ఒకటి విడుదల చేశారు. మన ఏజెంట్ 116 మళ్ళీ వచ్చాడు.. అనే క్యాప్షన్ కూడా పెట్టారు. ఈసారి త్రినేత్ర అనే కొత్త మిషన్ తో ప్రేక్షకులను అలరించనున్నాడు.. స్పష్టత ఇచ్చారు.
తెలుగు చలనచిత్ర రంగంలో అడవి శేష్ పోలీస్ గా నటించిన అనేక సినిమాలు సూపర్ డూపర్ హిట్ అయ్యా యి. సస్పెన్స్ థ్రిల్లింగ్ నేపథ్యంలో శేషు నటించిన అనేక సినిమాలు బాక్సాఫీస్ వద్ద విజయాలు సాధించాయి. పోలీస్ మరియు ఆర్మీ పాత్రలు బాగా కలిసొస్తున్నాయి. ఈ రకంగా గత ఏడాది సూపర్ స్టార్ మహేష్ బాబు నిర్మాతగా.. వ్యవహరించిన మేజర్ సినిమా.. బ్లాక్ బస్టర్ విజయం సాధించింది. 26/11 స్టోరీ తో చేసిన “మేజర్” అందరిని ఆకట్టుకోవడం జరిగింది. “మేజర్” తెలుగు మరియు హిందీ భాషలలో విడుదలయ్యి బ్లాక్ బస్టర్ విజయం సాధించింది. సరిగ్గా ఇప్పుడు అలాంటి తరహా జోనర్ లో “గూఢాచారి 2” అడవి శేష్ చేస్తూ ఉండటంతో… ఈ సినిమాపై భారీ అంచనాలు నెలకొన్నాయి.