Devara: జూనియర్ ఎన్టీఆర్, కొరటాల కాంబినేషన్లో వస్తున్న “దేవర” సినిమా మళ్లీ వాయిదా పడింది. గతంలో రెండు సార్లు వాయిదా పడిన ఈ సినిమా లేటెస్ట్ గా దసరాకి వాయిదా పడింది. ఈ సినిమా అక్టోబర్ 10న థియేటర్లలోకి రానుందని మేకర్స్ అధికారికంగా ప్రకటించారు. గతేడాది డిసెంబర్లో పూర్తి కావాల్సిన ఈ సినిమా షూటింగ్ వాయిదా పడింది. ఏప్రిల్ 5న థియేటర్లలో విడుదల చేయనున్నట్టు ప్రకటించినప్పటికీ గత కొన్ని రోజులుగా సినిమా వాయిదా పడిందనే వార్త వైరల్గా మారింది. దీంతో విజయ్ దేవరకొండ, మృణాల్ జంటగా నటించిన తన “ఫ్యామిలీ స్టార్” సినిమా “దేవర” ఆలస్యం అయితే ఏప్రిల్ 5న విడుదలవుతుందని దిల్ రాజు ఇటీవల విలేకరుల సమావేశంలో తెలిపారు.
“దేవర” సినిమా వాయిదా పడింది. ఇప్పుడు ఏప్రిల్ 5న “ఫ్యామిలీ స్టార్” సందడి చేయబోతోంది. “దేవర” చిత్రీకరణ మధ్యలో, విలన్ పాత్ర పోషిస్తున్న సైఫ్ అలీ ఖాన్ గాయపడి, హాస్పిటల్ పాలయ్యారు. సైఫ్ ఎడమ చేయి సర్జరీ కావడంతో డాక్టర్స్ కొన్ని రోజులపాటు విశ్రాంతి తీసుకోవాలని సూచించారు. కొరటాల శివ దర్శకత్వం వహిస్తున్న ఈ చిత్రానికి యువసుధ ఆర్ట్స్ మరియు ఎన్టీఆర్ ఆర్ట్స్ సంయుక్తంగా నిర్మిస్తున్నరు. ఇందులో బాలీవుడ్ బ్యూటీ జాన్వీకపూర్, మరాఠీ నటి శృతి మరాఠే ప్రధాన పాత్రల్లో నటిస్తున్నారు. ఏకంగా ఈ సినిమా ఇప్పుడు దసరా పండుగకి వచ్చే పరిస్థితి నెలకొనడంతో ఫ్యాన్స్ డిసప్పాయింట్ అయ్యారు. దాదాపు 80 శాతం షూటింగ్ కంప్లీట్ అయిన ఈ సినిమా.. కొన్ని సన్నివేశాలు చిత్రీకరిస్తుండగా సైఫ్ అలీఖాన్ గాయం పడటం.,,దసరాకి రిలీజ్ అవుతోందని తెలియజేయడం సంచలనంగా మారింది.
దీంతో లెక్కలు మొత్తం తారుమారు అయిపోయాయి. రెండు భాగాలుగా ఈ సినిమా రాబోతుంది. ఎన్టీఆర్ కెరియర్ లో “దేవర” 30వ చిత్రం కావటంతో ప్రతిష్టాత్మకంగా తీస్తున్నారు. దీంతో ఇప్పుడు ఎన్టీఆర్ తన నెక్స్ట్ ప్రాజెక్టులపై దృష్టి పెట్టినట్లు వార్తలు వస్తున్నాయి. ఈ క్రమంలో ముందుగా హృతిక్ రోషన్ తో చేయబోయే “వార్ 2” షూటింగ్ లో జాయిన్ కాబోతున్నట్లు సమాచారం.