Devara: ఎన్టీఆర్ “దేవర” నుండి వీడియో లీక్..!!

Devara: కొరటాల శివ దర్శకత్వంలో ఎన్టీఆర్ హీరోగా “దేవర” సినిమా షూటింగ్ జరుపుకుంటున్న సంగతి తెలిసిందే. గతంలో వీరిద్దరి కాంబినేషన్ లో 2016 వ సంవత్సరంలో “జనతా గ్యారేజ్” అనే సినిమా రిలీజ్ అయ్యి సూపర్ డూపర్ హిట్ అయింది. మరోసారి తారక్ తో కొరటాల సినిమా చేస్తూ ఉండటంతో “దేవర” పై అభిమానులు భారీ అంచనాలు పెట్టుకున్నారు. “RRR” లాంటి బ్లాక్ బస్టర్ తర్వాత తన కెరియర్ లో 30వ సినిమా కావటంతో “దేవర” విషయంలో ఎన్టీఆర్ చాలా జాగ్రత్తలు తీసుకున్నారు.

రెండు భాగాలుగా ఈ సినిమా చిత్రీకరణ జరుపుకుంటుంది. మొదటి భాగం ఏప్రిల్ 8వ తారీకు రిలీజ్ కావాల్సి ఉండగా.. అక్టోబర్ కి వాయిదా పడింది. సినిమాలో విలన్ పాత్ర చేస్తున్న సైఫ్ అలీఖాన్ చేయి ఫ్రాక్చర్ కావడంతో సర్జరీ జరగడంతో షూటింగ్ ఆలస్యం అవుతూ ఉంది. కొద్ది రోజుల క్రితం హైదరాబాదులో రియాక్షన్స్ సన్నివేశాలు చిత్రీకరించారు. అనంతరం ఇప్పుడు గోవాలో షూటింగ్ జరుపుకుంటుంది. అక్కడ కొన్ని యాక్షన్ సన్నివేశాలతో పాటు సాంగ్ కూడా కూడా షూట్ చేయడం జరిగింది. ఈ క్రమంలో “దేవర” గోవాలో షూటింగ్ జరుగుతున్న సమయంలో కొంతమంది ఆకతాయిలు వీడియో తీశారు.

ఆ వీడియోలో సముద్రం ఒడ్డున నలుపు రంగు చొక్కా అదే రంగులో ఉన్న పంచ కట్టుకొని ఎన్టీఆర్ నడుస్తూ ఒడ్డుకొస్తున్నాడు. ఈ దృశ్యాలను కొందరు సెల్ ఫోన్ లో రికార్డ్ చేసి దాన్ని సోషల్ మీడియాలో షేర్ చేశారు. ఎన్టీఆర్ “దేవర” షూటింగ్ వీడియో ఇప్పుడు సోషల్ మీడియాలో వైరల్ గా మారింది. చాలా మాస్ పాత్ర తారక్ చేసినట్లు వీడియో బట్టి తెలుస్తోంది. ఈ సినిమాలో ఎన్టీఆర్‌ పక్కన హీరోయిన్‌గా బాలీవుడ్‌ స్టార్ హీరోయిన్‌ జాన్వీ కపూర్‌ నటిస్తోన్న విషయం తెలిసిందే. కొరటాల ఎన్టీఆర్ కాంబోలో వస్తున్న రెండో చిత్రమిది. ఇక ఇటీవల విడుదలైన టీజర్‌ అభిమానులను ఉర్రూతలూగించింది.

All Hail The Tigerrrr 🐯🔥#Devara pic.twitter.com/6YRisONLNQ

— I'm a Fan Of NBK (@Chaitanya9045) March 21, 2024