Gopichand vs Vishwak Sen: గోపీచంద్ తో తలపడనున్న విశ్వక్సేన్.. విజయం ఎవరిది..?

Gopichand vs Vishwak Sen: ఈవారం బాక్స్ ఆఫీస్ వద్ద ఇద్దరు స్టార్ హీరోలు తలపడనున్నారు. పాన్ ఇండియా రేంజ్ లో సినిమాలు చేయకపోయినా ఆ రేంజ్ గుర్తింపు మాత్రం దక్కించుకున్నారు. వారు మరెవ్వరో కాదు విశ్వక్సేన్ మరియు గోపీచంద్. వీరిద్దరూ ఈ వారం టాలీవుడ్ బాక్సాఫీస్ వద్ద గోపీచంద్ భీమాతో విశ్వక్సేన్ ఏమో గామీ తో పోటీ పడనున్నారు. ఇక ఈ రెండు సినిమాల టీజర్స్, ట్రైలర్స్ ప్రేక్షకులలో క్యూరియాసిటీ పెంచాయి. ఈ ఇద్దరు హీరోలు కూడా హిట్ అనే పదాన్ని విని చాలా కాలం అవుతుంది.

నేటి కాలంలో వీరిద్దరి ఖాతాలో హిట్ పక్కాగా కావాలి. 2021 లో రిలీజైన సిటీ మార్ మూవీ అనంతరం గోపీచంద్ కెరీర్ లో మరో బ్లాక్ బస్టర్ పడలేదు. ప్రతి సినిమా కూడా డిజాస్టర్ గా నిలుస్తూ వచ్చాయి. మారుతీ పక్కా కమర్షియల్, శ్రీనివాస్ రామబాణం సినిమాలపై రిలీజ్ కు ముందు హైప్ ఉన్నప్పటికీ వీక్ కంటెంట్తో రావడంతో ప్రేక్షకులు వాటిని పెద్దగా ఆదరించలేదు. ఇక ఒక సూపర్ హిట్ మూవీ తో ఈ డిజాస్టర్ ల నుంచి వెలుగులోకి రావాలని గోపీచంద్ చాలా ప్రయత్నాలు చేస్తున్నాడు. భీమా మూవీతో తన కలను నెరవేర్చుకునేందుకు ప్రయత్నిస్తున్నాడు గోపీచంద్.

డివోషనల్ బ్యాక్ డ్రాప్ లో యాక్షన్ ఎంటర్టైనర్ గా ఈ మూవీని తెరకెక్కిస్తున్నాడు ఏ. హర్ష. ఈ మూవీలో ఓ టెంప్ ను కాపాడే మనిషిగా మరియు ఓ నిజాయితీ పోలీస్ ఆఫీసర్గా గోపీచంద్ కనిపించనున్నాడు. ఇటీవల రిలీజ్ అయిన ట్రైలర్ తో ఈ మూవీ పై భారీ హైప్స్ పెంచేశారు. ఇక ఈ మూవీ ప్రీ రిలీజ్ బిజినెస్ కూడా బానే జరిగినట్లు సమాచారం. ఇక ఈ మూవీకి సోమవారం నుంచి అడ్వాన్స్ బుకింగ్స్ ఓపెన్ చేశారు. ఇక ఈ మూవీకి అడ్వాన్స్ బుకింగ్స్ లోనే 50 లక్షల వరకు వచ్చినట్లు తెలుస్తుంది. అదేవిధంగా శుక్రవారం వరకు అడ్వాన్స్ బుకింగ్ కోటి రూపాయలకు చేరనున్నట్లు చెబుతున్నారు చిత్ర బృందం.

ఇక గామి విషయానికి వస్తే.. విశ్వక్సేన్ కెరీర్ లోనే అత్యధిక మూవీగా తెరకెక్కనుంది. ఇప్పటివరకు విశ్వక్సేన్ అనేక సినిమాల్లో నటించినప్పటికీ ఇటువంటి షేడ్ లో ఏ సినిమాలోను నటించలేదు. ఈ సినిమా అనౌన్స్ చేసిన నాటి నుంచి నేటి వరకు భారీ అంచనాలు నెలకొన్నాయి. ఇక ఈ మూవీ ప్రమోషన్స్ లో సందీప్ వంగా పాల్గొనడంతో ప్రతి ఒక్కరి చూపు ఈ సినిమాపై మల్లింది. ఇక ప్రస్తుత కాలంలో విశ్వక్సేన్ కి సరైన హిట్ లేదు. అడపా దడపా సినిమాలు చేస్తున్నప్పటికీ మంచి గుర్తింపు మాత్రం రావడం లేదు. మరి ఈ సినిమాతో హిట్ ఏమైనా సంపాదించుకుంటాడో లేదో చూడాలి మరి. ఈ వారం గోపీచంద్ తో తలపడేందుకు సిద్ధమయ్యాడు విశ్వక్సేన్. మరి విజయం ఎవరిదో వేచి చూడాలి..!