షకీలా.. పరిచయం అక్కర్లేని పేరు. ఇప్పుడు కాదు కానీ.. ఓ పది పదిహేను ఏళ్ల కింద ఆమెకున్న క్రేజ్ మామూల్ది కాదు. తమ సినిమాల్లో చిన్న క్యారెక్టర్ అయినా ఇచ్చి షకీలాను నటింపజేయాలని ఎంతో మంది డైరెక్టర్లు షకీల ముందు క్యూ కట్టేవారు. షకీలా అంటేనే కుర్రకారు గుండెల్లో గుబులు. అప్పట్లో షకీలా అంటే తెలుగు సినిమా ఇండస్ట్రీలో ఓ సంచలనం. కానీ.. ఇప్పుడు పరిస్థితులు మారిపోయాయి. తనకు వయసు అయిపోయింది. దీంతో సినిమా అవకాశాలు లేవు. ప్రస్తుతం తనకు గడ్డుపరిస్థితులే. అయినప్పటికీ.. తన సొంత కాళ్ల మీద నిలబడుతూ అందరికీ ఆదర్శంగా నిలుస్తోంది షకీలా.
తాజాగా ఆలీతో సరదాగా షోలో గెస్ట్ గా వచ్చిన షకీలా.. తన పర్సనల్, ఫ్యామిలీ విషయాలను ఆలీతో షేర్ చేసుకుంది. తనతో పాటు.. మరో సీనియర్ నటి అనురాధ కూడా ఈ షోకు వచ్చారు.
అయితే.. లాక్ డౌన్ సమయంలో షకీలకు తెలుగు టాప్ డైరెక్టర్ ఫోన్ చేశాడట. దాని గురించి చెబుతూ ఎమోషనల్ అయిపోయింది షకీలా. వీళ్ల ఎపిసోడ్ కు సంబంధించిన ప్రోమోను తాజాగా విడుదల చేశారు.
కరోనా సమయంలో లాక్ డౌన్ లో ఉపాధి లేదు. పరిస్థితులు కూడా చాలా దారుణంగా ఉన్నాయి. ఆ సమయంలోనే తెలుగు టాప్ డైరెక్టర్ ఒకరు ఫోన్ చేశారు నాకు. నేను ఆశ్చర్యపోయా. సార్.. మీరేంటి.. నాకు ఫోన్ చేయడం ఏంటి అని. ఆయన అన్నారు. ఏం లేదమ్మా.. నాకు ఇష్టమైన వాళ్లకు లాక్ డౌన్ సమయంలో ఫోన్ చేస్తున్నా. నీ నెంబర్ ఉండటం వల్ల ఫోన్ చేశా. ఎలా ఉన్నావు. అంతా ఓకే కదా. ఫైనాన్సియల్ గా ఏదైనా సమస్య ఉంటే చెప్పమ్మా. ఆర్థికంగా సాయం కావాలంటే మొహమాటం లేకుండా అడుగు. నేను సాయం చేస్తా.. అని అన్నారు. ఆయన అలా అనేసరికి.. నా నోట మాట రాలేదు. ఆయన మాట్లాడుతుండగానే నాకు కళ్లలో నుంచి కన్నీళ్లు కారుతున్నాయి. ఆపుకోలేకపోయా. నేను నిజంగా ఆ డైరెక్టర్ కు ఎంతో రుణపడి ఉంటా.. అంటూ చెప్పుకొచ్చింది షకీలా.