ఈ వారంలో అతిపెద్ద ఆన్‌లైన్ ప్లాట్ ఫారమ్‌లు యూట్యూబ్, జిమెయిల్, నెట్ ఫ్లిక్స్ మరియు గూగుల్ సంబంధిత అప్లికేషన్ల సేవలను వినియోగించుకోవడంలో యూజర్లు సమస్యలు ఎదుర్కొన్నారు. తాజాగా టెలిగ్రామ్ యూజర్లు కూడా ఈరోజు సమస్యలను ఎదుర్కొంటున్నారు. ప్రస్తుతానికి ఆ సమస్య ఏమిటో స్పష్టంగా లేదని ట్విట్టర్ ద్వారా టెలిగ్రామ్ తెలిపింది. యూరప్ మరియు మిడిల్ ఈస్ట్ లలో సమస్యలు ఎక్కువగా ఉన్నాయని, వినియోగదారులను తిరిగి ఆన్‌లైన్‌లోకి తీసుకురావడానికి ఇది కృషి చేస్తోందని కంపెనీ తెలిపింది. డౌన్‌డెక్టర్ ప్రకారం, గత 30 నిమిషాల్లో దాదాపు వెయ్యి ఫిర్యాదులు నమోదయ్యాయి.
ఇలాంటి అంతరాయాన్ని టెలిగ్రామ్ ఎదుర్కోవడం డిసెంబర్ నెలలో రెండవసారి. ఇంతకుముందు డిసెంబర్ 5 న, టెలిగ్రామ్ వినియోగంలో అంతరాయం రాగ దీనివల్ల ఆసియాలోని వినియోగదారులు ఎక్కువగా ప్రభావితమయ్యారు. గూగుల్ సోమవారం ఒక పెద్ద అంతరాయాన్ని ఎదుర్కొగా దీనివల్ల గూగుల్ సంబంధిత అన్ని సంస్థలపై ప్రభావితం చేసింది. అంతరాయం ఒక గంట మాత్రమే కొనసాగినప్పటికీ, దీనిపై ఆధారపడి మరియు సంబంధించి ఉన్న వివిధ అప్లికేషన్లపై ఆ ఎఫెక్ట్ ఎంతగానో చూపించింది. మంగళవారం రాత్రి, గూగుల్ రెండవ అంతరాయాన్ని ఎదుర్కొంది, ఇది రెండున్నర గంటల సేపు కొనసాగింది.
మరో ఆన్‌లైన్ ప్లాట్ ఫారమ్ నెట్‌ఫ్లిక్స్ ఈ వారంలో అంతరాయం చెందిన ఫ్లాట్ పారమ్ లలో రెండవ స్థానంలో ఉంది. మంగళవారం రెండున్నర గంటల పాటు దీని సేవలపై అంతరాయం కలిగింది. ఇది ఎక్కువగా iOS మోడళ్లను ప్రభావితం చేసింది. యుఎస్, కెనడా మరియు దక్షిణ అమెరికాలోని కొందరు నెట్‌ఫ్లిక్స్ ఉపయోగించలేకపోయారు అని నెట్‌ఫ్లిక్స్ ఒక ప్రకటనలో తెలిపింది. ప్రస్తుతం టెలిగ్రామ్ కూడా ఈ సమస్యను ఎదుర్కొంది. ఈ అసౌకర్యానికి క్షమించాలని, త్వరగా ఈ సమస్యను పరిష్కరిస్తామని, కొంతసమయం పడుతదని సహనంతో ఉండాలని ట్విట్టర్ ద్వారా తెలిపింది.