ఒకానొక టైంలో బ్యాంకులో డబ్బులు తీసుకోవాలంటే బ్యాంకు పుస్తకం పట్టుకుని గంటలు గంటలు లైన్ లో నిలబడి డబ్బులు తీసుకోవాల్సిన పరిస్థితి ఉండేది. ఎప్పుడైతే ఏటీఎం కార్డులు అందుబాటులోకి వచ్చాయో పరిస్థితి పూర్తిగా మారిపోయింది. నిమిషాల వ్యవధిలోనే ఏటీఎంలో కార్డు పెట్టి డబ్బులు తీసుకునే పరిస్థితి ఏర్పడింది. ప్రస్తుతం ఏటీఎం కార్డుల వినియోగం భారీ స్థాయిలో పెరిగిపోయింది. అయితే ఇటీవల కరోనా వైరస్ రావటంతో ఒకరు టచ్ చేసిన దగ్గర మరొకరు టచ్ చేయటం వల్ల ఈ వైరస్ సోకే ప్రమాదం ఉండటంతో కార్డు లేకుండా ఏటీఎం పని చేసే విధానం తీసుకురావడానికి ప్రభుత్వ రంగాలు బ్యాంకు సమస్యలు రెడీ అయ్యాయి.
ఇప్పటికే కొన్ని టెక్నాలజీ యాప్స్ వల్ల డబ్బులు ట్రాన్సక్షన్ అవ్వడం మనం చూస్తూనే ఉన్నాము. ఇదిలా ఉండగా కార్డు లేకుండా ATM లో డబ్బులు డ్రా చేసుకునే విధానం పలు బ్యాంకులు సంస్థలు అందుబాటులోకి తీసుకువచ్చాయి. ఈ సందర్భంగా సదరు బ్యాంక్ యాప్స్ ముందుగా స్మార్ట్ ఫోన్ లో డౌన్లోడ్ చేసుకొని రిజిస్టర్ అవ్వాలి. ఆ బ్యాంకు కి సంబంధించిన యాప్ లో రిజిస్టర్ అయిన తర్వాత రిక్వెస్ట్ యోనో క్యాష్ క్లిక్ చేయాలి. అక్కడ మీకు అకౌంట్ నంబర్ కనిపిస్తుంది. అకౌంట్ నెంబర్ సెలెక్ట్ చేసి ఎంత నగదు కావాలో ఎంటర్ చేయాలి.
తర్వాత 6 అంకెల యోనో క్యాష్ పిన్ సెట్ చేసుకోవాలి. దాన్ని సెట్ చేసుకోగానే మీ రిజిస్టర్డ్ మొబైల్ నెంబర్కు 6 అంకెల రిఫరెన్స్ నెంబర్ ఎస్ఎంఎస్ వస్తుంది. ఈ రిఫరెన్స్ నెంబర్ కేవలం అరగంట మాత్రమే పనిచేస్తుంది. ఇప్పుడు మీకు దగ్గర్లో ఉన్న ఏటీఎంకు వెళ్లాలి. అక్కడ ముందుగా మీకు ఎస్ఎంఎస్లో వచ్చిన 6 అంకెల రిఫరెన్స్ నెంబర్ ఎంటర్ చేయాలి. మీరు యాప్లో ఎంటర్ చేసిన అమౌంట్ను కూడా ఏటీఎంలో ఎంటర్ చేయాలి. ఆ తర్వాత మీరు యాప్లో క్రియేట్ చేసిన 6 అంకెల యోనో క్యాష్ పిన్ను ఎంటర్ చేసి డబ్బులు డ్రా చేసుకోవచ్చు.