సాధారణంగా ప్రతి ఒక్కరికి ఉల్లిగడ్డలు కట్ చేసే సమయంలో విపరీతంగా కన్నీళ్లు వస్తాయి. దీనివల్ల ఉల్లిగడ్డలను కట్ చేయలేక పోతారు కూడా. ఇక ప్రస్తుత కాలంలో ఎన్నో మిషన్స్ వంటివి వచ్చినప్పటికీ అవేవీ సరైన పద్ధతిలో పనిచేయవు. ప్రతి కూరల్లోనూ ఉల్లిగడ్డ కంపల్సరీ ఉంటుంది.
దీనిని వేయడం ద్వారా రుచితో పాటు ఆరోగ్యం కూడా బాగుంటుంది. కానీ ఉల్లిగడ్డలు కట్ చేసేటప్పుడు మాత్రం చాలా రిస్క్. దీనిలోని సల్ఫర్ యాసిడ్ వల్ల మనకి కన్నీళ్లు వస్తాయి. ఇక ఉల్లిగడ్డ కట్ చేసేటప్పుడు మనకి ఈ ముప్పు తప్పాలంటే ఈ సింపుల్ చిట్కాలని పాటిస్తే సరిపోతుంది. అవేంటో ఇప్పుడు చూద్దాం.
1. కళ్ళు మంటల కి కారణమయ్యే ఎంజాయిమ్స్ ఉల్లిగడ్డ వేరు భాగంలో ఎక్కువగా ఉంటాయి. అందువల్ల ముందుగా అవి కట్ చేయండి. దీంతో గాఢత తగ్గి కన్నీళ్లు రాకుండా ఉంటాయి.
2. గ్యాస్ స్టవ్ లేదా కొవ్వొత్తి మంటకు దగ్గరగా ఉల్లిపాయలను కట్ చేయడం ద్వారా కన్నీళ్లు రావు. మంట వేడికి ఉల్లిపాయలలో ఉండే కెమికల్స్ బలహీన పడతాయి.
3. ఉల్లిపాయలను కట్ చేసే ఒక గంట ముందు ఫ్రిజ్లో పెట్టిన వాటిని కట్ చేసేటప్పుడు కన్నీళ్లు రావు. ఫ్రిజ్లో పెట్టడం వల్ల ఉల్లిపాయలలోని లిక్విడ్ గడ్డ కట్టి పవర్ మొత్తం పోతుంది.
4. ఉల్లిపాయని కట్ చేసే ముందు వాటిని మధ్యలోకి కట్ చేసి కాసేపు వాటర్ లో వేయడం ద్వారా అందులో ఉన్న పవర్ పోయి కన్నీళ్లు రావు.
5. ఉల్లిగడ్డ కట్ చేసే కత్తికి నిమ్మకాయ రాయడం ద్వారా కూడా కన్నీళ్లు రావు.
పైన చెప్పిన ఐదు చిట్కాలలో ఏదో ఒకటి పాటించి ఉల్లిపాయలను సులభంగా కట్ చేసుకోండి.