Bigg Boss 5 Telugu: బిగ్ బాస్ షోలో ట్రాన్స్ జెండర్ ప్రియాంక సింగ్ అలియాస్ పింకీ తన అందంతో పాటు అదిరిపోయే గేమ్ తో.. అందరితో కలిసి ఉంటూ.. తనదైన శైలిలో రాణిస్తూ ఉంది. అందంలో అమ్మాయిలకు కూడా అందనంత ఎత్తులో.. హౌస్ లో ఎంటర్టైన్మెంట్ పరంగా మరోపక్క టాస్క్ లు ఆడుతున్న టైమ్ లో కూడా బాగా రాణిస్తోంది. ఈ రీతిగా అలరిస్తున్న పింకీ.. హౌస్ లో కిచెన్ లో అందరికీ వంటలు వండి పెడుతూ ఉంది. మరోపక్క ఇదే తరుణంలో.. ఎవరైనా తనతో అసభ్యంగా ప్రవర్తిస్తే అదే స్థాయిలో రియాక్ట్ అవుతుంది.
ఇదిలా ఉంటే తాను ట్రాన్స్ జెండర్ అయిన తర్వాత.. అనేక కష్టాలు సమాజంలో పడినట్లు ఇంటి నుండి కూడా ఇబ్బందులు ఎదుర్కొంటున్నట్లు.. తన మొదటి లవ్ స్టోరీ.. గురించి చెబుతున్న టైంలో చెప్పుకొచ్చింది. అయితే మరి కొద్ది గంటల్లో స్టార్ట్ కాబోతున్న ఎపిసోడ్లో ట్రాన్స్ జెండర్ పింకీ కి.. వీడియో రూపంలో తల్లిదండ్రులు పుట్టినరోజు శుభాకాంక్షలు తెలపడం మాత్రమేకాక.. నువ్వు ఆడ అయినా మగ అయినా గాని.. నా బిడ్డవి మాకు ఎటువంటి ఏమీ లేవంటూ పింకీ కి జన్మదిన శుభాకాంక్షలు తెలిపారు. స్వయంగా తన తండ్రి బిగ్ బాస్ అనే అతి పెద్ద ప్లాట్ఫామ్ లో.. పుట్టినరోజు శుభాకాంక్షలు తెలపటంతో పింకీ ఆనందానికి అవధులు లేవు.
ఇంటి సభ్యులు కూడా కన్నీరు
ఆ వీడియో చూసిన మిగతా ఇంటి సభ్యులు కూడా కన్నీరు పెట్టుకున్నారు. ఆ తర్వాత బిగ్ బాస్ హౌస్ లోకి పింకీ కి బట్టలతో పాటు స్వీట్లు కూడా పంపించడం జరిగింది. ఈ రోజు తాను మర్చిపోలేని రోజు అంటూ చాలా భావోద్వేగానికి గురైన పింకీ కంటతడి పెట్టుకుంటూ తన తల్లిదండ్రులకు.. కృతజ్ఞతలు తెలిపింది. ఏది ఏమైనా హౌస్ లో పింకీ కి.. ఆనందం కలిగించే రీతిలో బిగ్ బాస్ పుట్టినరోజు శుభాకాంక్షలు.. తల్లిదండ్రుల ద్వారా వీడియో సందేశం పంపించడంతో హౌస్ లో సరికొత్త వాతావరణం ఏర్పడింది.
ఇంటి లోకి దొంగతనంగా
ఇదే తరుణంలో పింకీ తాను ట్రాన్స్ జెండర్ గా మారిన తర్వాత.. తన ఇంటి లోకి దొంగతనంగా వెళ్లాల్సిన పరిస్థితి ఏర్పడిందని, తాను ఇంటి లోకి వెళ్లి నట్లు పక్క ఇంటి వాళ్ళకి కూడా తెలియని విధంగా వెళ్ళిన సందర్భాలు ఉన్నాయని కానీ ఇప్పుడు ఆ పరిస్థితులు మారిపోయినట్టే.. దానికి కారణం బిగ్బాస్ అంటూ.. బిగ్ బాస్ కి కూడా కృతజ్ఞతలు తెలిపింది.