Garlic Water: అసలే శీతాకాలం.. ఈ సీజన్ లో రోగ నిరోధక శక్తిని పెంపొందించడం చాలా అవసరం.. ఇమ్యూనిటీ పవర్ లేకపోతే అనేక ఆరోగ్య సమస్యలు చుట్టుముడతాయి.. ఈ సమస్యకు చెక్ పెట్టాలంటే వెల్లుల్లి నీరు చాలాంటున్నారు ఆరోగ్య నిపుణులు..!? మరి ఈ నీటిని ఎలా తయారు చేసుకోవాలి..!? ఏ విధంగా తీసుకోవాలో ఇప్పుడు చూద్దాం..!!
వెల్లుల్లిలో విటమిన్ సి, బి 6 ఉన్నాయి. ఇది రోగ నిరోధక శక్తిని పెంచుతుంది. ముందుగా ఒక గిన్నె తీసుకొని అందులో ఒక గ్లాసు నీటిని పోయాలి. ఈ నీటిలో తొక్క తీసిన మూడు వెల్లుల్లి రెబ్బలు వేసి ఐదు నిమిషాల పాటు మరిగించాలి. ఉదయం పరగడుపున తాగితే శరీరంలో రోగ నిరోధక శక్తిని పెంపొందిస్తుంది. వీటితో పాటు శరీరంలో లో పేరుకుపోయిన విశ్వ వ్యర్థాలను బయటకు నెట్టి వేస్తుంది. చెడు కొలెస్ట్రాల్ ను కరిగిస్తుంది. ఫలితంగా బరువు తగ్గొచ్చు. జీర్ణ క్రియను మెరుగు పరుస్తుంది. జీర్ణ సంబంధిత సమస్యలు తలెత్తకుండా చేస్తోంది.
లేదంటే రాత్రి నిద్రించే ముందు ఒక గ్లాస్ నీటిలో మూడు తొక్క తీసిన వెల్లుల్లి రెబ్బలు వేయాలి. రాత్రంతా ఈ నీటిని నాననివ్వాలి. ఉదయం లేచాక పరగడుపున ఈ నీటిని తాగాలి ఇలా తాగి వెల్లుల్లి రెబ్బలు నమిలి మింగేయలి. ఇలా చేసినా కూడా రోగ నిరోధక శక్తి ని పెంపొందిస్తుంది. వెల్లుల్లి లో యాంటీ బ్యాక్టీరియల్, యాంటీ ఆక్సిడెంట్స్, యాంటీ సెప్టిక్ గుణాలు ఉన్నాయి. ఇవి ఈ సీజన్ లో వచ్చే జలుబు, దగ్గు, ఫ్లూ, వైరల్ ఫీవర్ రాకుండా అడ్డుకుంటుంది. శరీరం లోకి హానికర బ్యాక్టీరియా ప్రవేశించకుండా రక్షిస్తుంది. అయితే గ్యాస్, ఎసిడిటీ సమస్య ఉన్నవారు పరగడుపున నీటిని తాగకూడదు. ఉదయం అల్పాహారం చేసిన అరగంట తరువాత మాత్రమే వీరు ఈ నీటిని తాగాలని గుర్తుంచుకోవాలి.