తెలంగాణలోని కామారెడ్డి జిల్లాలో చోటు చేసుకున్న అమానుష ఘటనలో ఒక వివాహిత ఆత్మహత్యయత్నం చేసుకుంది. కన్న కూతురిలా చూసుకోవాల్సిన కోడలి పైనే కన్నేసాడు కీచక మామ .ఉపాధి కోసం విదేశాలకు వెళ్లిన కొడుకు యొక్క భార్య ని లైంగిక వేధింపులకు గురి చేశారు. అతని వేధింపులు భరించలేక బాధితురాలు మనస్తాపంతో ఆత్మహత్యాయత్నం చేసింది. ఆస్పత్రికి వెంటనే తీసుకెళ్లడంతో ప్రాణాపాయం తప్పింది.
ఉపాధి కోసం భర్త దుబాయ్ వెళ్లడంతో సదరు కోడలు అత్తమామలతో కలిసి ఇంటి వద్దనే ఉంటోంది. కామంతో కళ్లు మూసుకుపోయిన మామ తన కోడలు పై కన్నేశాడు. వావివరసలు మరచి ఆమెపై పశువులా ప్రవర్తించి… తన కామ కోరికలు తీర్చమని ఆమెను వేధించడం మొదలుపెట్టాడు. ఇక తీవ్ర మనస్తాపానికి గురైన కోడలు ఆత్మహత్యాయత్నం చేసింది.
శానిటైజర్ తాగి బలవన్మరణానికి యత్నించింది. వెంటనే ఆస్పత్రికి తరలించడంతో వైద్యులు చికిత్స అందించారు. వారం రోజులు ఆసుపత్రిలో ఉండి డిశ్చార్జి అయిన ఆమె తన సొంత ఇంటికి చేరుకుంది. ఆమెతో వచ్చిన బంధువులు విషయం తెలుసుకొని కామం తో ఆ మామని చితకబాది పోలీసులకు అప్పగించారు.
వేములవాడకు చెందిన నిందితుడు 40 ఏళ్ల కిందట ఇల్లరికం వచ్చి లింగాపూర్ లో పడినట్లు తెలుస్తోంది. మొదటి భార్యకు పిల్లలు పుట్టకపోవడం తో భార్య సొంత చెల్లిని రెండో వివాహం చేసుకున్నాడు. కొడుకు ఉపాధి కోసం విదేశాలకు వెళ్లడం తో మామ ఇంట్లోనే ఉంటు కోడలిపై అత్యాచారానికి తెగబడినట్లు తెలుస్తోంది.