Bigg Boss Telugu OTT: ఓటిటి బిగ్ బాస్ షో స్టార్ట్ అయి 60 రోజులకు పైగానే అయ్యింది. ఫస్ట్ టైం ఓటిటిలో బిగ్ బాస్ షో అనేసరికి బిగ్ బాస్ ఆడియన్స్ షో చూడటానికి ఎంతో ఉత్సాహపడ్డారు. డిస్నీ హాట్ స్టార్ లో ఫిబ్రవరి చివరిలో షో ప్రారంభం కాగా.. మొత్తం 17 మంది ఎంట్రీ ఇచ్చారు. 17 మంది లో పాత వాళ్ళు ఎనిమిది మంది కాగా కొత్తవాళ్ళు.. తొమ్మిది మంది. దీంతో కచ్చితంగా షో రసవత్తరంగా ఉంటుందని… 24 గంటలు నాన్ స్టాప్ ఎంటర్టైన్మెంట్ అనీ అందరూ భావించారు.
కానీ అనుకున్నంత ఆదరణ ఓటిటి బిగ్ బాస్ షో ఆకట్టుకోలేక పోయిందని టాక్ నడుస్తోంది. పైగా హౌస్ లో గేమ్ పరంగా మాజీ బిగ్బాస్ కాంటెస్ట్ ల కంటే… హౌస్ లో కొత్తగా ఆడుతున్న సభ్యుల ఆట బాగుందని బయట ప్రజెంట్ టాక్. ఇదంతా పక్కన పెడితే ప్రస్తుతం సగం కంటే ఎక్కువ గేమ్ అవ్వడంతో పాటు చివరి దశకు చేరుకోవడంతో… హౌస్ లో వాతావరణం రసవత్తరంగా సాగుతోంది. ఇదిలా ఉంటే మొదటి నుండి హౌస్ లో ఒక కంటెస్టెంట్ ఆడుతున్న ఆట తీరు చూస్తున్న వీక్షకులకు నెగిటివ్ షేడ్స్ కనిపించడం జరిగింది.
ఇక ఇదే సమయంలో ఆమె ఎలిమినేషన్ నామినేషన్ ప్రక్రియ లో వెళ్ళిన క్రమంలో.. ప్రతివారం సేవ్ అవడం ఇప్పుడు అందరికీ ఆశ్చర్యాన్ని కలిగిస్తోంది. ఆ కంటెస్టెంట్ మరెవరో కాదు మిత్రశర్మ. దీంతో ఆమెకు షో నిర్వాహకులు సపోర్టు ఉందని టాక్ ప్రస్తుతం బయట బలంగా వినపడుతోంది. ఆమె చేస్తున్న ఓవరాక్షన్ అతిగా రోజురోజుకి పెరుగుతున్న ఇంకా మిత్రశర్మ షోలో రన్ అవ్వటం పట్ల బయట భారీగా షోపై నెగిటివ్ టాక్ వస్తోంది.