జీలకర్ర – వాము తో పొట్ట తగ్గడం ఇంత సులభామా ?

బరువు తగ్గడం అనేది ఎంతో కష్టమైన విషయమని చాలా మంది ఒప్పుకుంటారు. అందులోనూ బెల్లీ ఫ్యాట్ ను తగ్గించుకోవడం మరింత కష్టమైన పని. అనేక కారణాల వల్ల పొట్ట చుట్టూ కొవ్వు పేర్కొనే సమస్య వస్తుంది. ఎదో ఒక పద్దతిఅనుసరించడం వలన అంటే కేవలం ఆహార నియమాలు లేదా వ్యాయామం ఏదైనా ఒక్క పద్దతి వలన మాత్రం బరువు తగ్గము.ఆరెండిటితో పాటు ఎక్కువ నీరు తీసుకోవడం, సమయానికి తినడం, నిద్ర పోవడం లో కూడా నియమాలు పాటించాలి.

బరువు తగ్గడానికి వాము జీలకర్ర గురించి కూడా తెలుసుకుందాం. డైజెషన్ సరిగ్గా లేకపోవడం, హార్మోన్ల సమస్యలు, శారీరక శ్రమపెద్దగా లేకపోవడం, వృత్తిరీత్యా ఎక్కువ సేపు కూర్చుని ఉండటం, శరీరంలో తగినంత కదలిక లేకపోవడం వంటివన్నీ పొట్ట చుట్టూ కొవ్వు సమస్యను తెచ్చిపెడతాయి. బ్లోటింగ్ తో పాటు ,క్రానిక్ కాన్స్టిపేషన్ వంటి ప్రాబ్లెమ్స్ అజీర్ణం వలన వస్తాయి. ఆ సమస్య నుండి బయట పడాలంటే ఫైబర్ ఎక్కువగా ఉన్న ఆహారం తినాలి. ఎక్కువగా మంచినీళ్లు తాగడం కూడా చాల అవసరం. మన వంటింట్లో వాముకు ఒక ప్రత్యేక స్థానం ఉంది. దీనికి ఘాటైన రుచి, వాసన ఉంటుంది. పలు జీర్ణ, శ్వాస సమస్యలకు, నొప్పులకు వాము ఒక చక్కని ఔషధం. వాము ఎక్కువగా వాడేవారిలో రక్త ప్రసరణ వ్యవస్థ పనితీరు మెరుగవడం తో పాటు శరీరంలోనిల్వ ఉన్న  కొవ్వు తగ్గి బరువు అదుపులోకి వస్తుంది.

అలాగే విట‌మిన్ ఎ, సి, ఇ, కెల‌తోపాటు కాల్షియం, పొటాషియం, ఐర‌న్‌, పాస్ఫ‌ర‌స్ త‌దిత‌ర పోష‌కాలు కూడా వాములో ఉంటాయి. అందువ‌ల్ల మ‌న‌కు అనేక ర‌కాల అనారోగ్య స‌మ‌స్య‌ల నుంచి వాము ఉప‌శ‌మ‌నాన్ని అందిస్తుంది.ఒక గ్లాస్ మంచి నీటిలో టేబుల్ స్పూన్ జీలకర్ర వేసి రాత్రి అంతా ఉంచి ఆ నీటిని పొద్దున్నే తాగడం వల్ల బరువు తగ్గడం తో పాటు పొట్టచుట్టూ పేర్కొన్న కొవ్వు కూడా కరిగిపోతుంది.జీరా అలాగే వామునీరు కూడా కొవ్వు తగ్గడానికి  మంచి ఔషధంగా పనిచేస్తాయి.జీలకర్ర ఒక స్పూన్, వాము ఒక స్పూన్ తీసుకుని రాత్రి పూట వీటిని నానబెట్టేసి మరుసటి రోజు ఉదయాన్నే తాగితే  అద్భుత ప్రయోజనం ఉంటుందని ఆరోగ్య నిపుణులు అంటున్నారు.