అమెరికా అధ్యక్షుడు డొనాల్డ్ ట్రంప్ ఆరోగ్య పరిస్థితి ఆందోళనకరంగా ఉందని వైద్యులు వెల్లడించారు. మరో 48 గంటలు గడిస్తే కానీ ఏం చెప్పలేమని వాళ్లు స్పష్టం చేశారు. ట్రంప్ కు కరోనా సోకగానే ఆయన్ను వెంటనే సైనిక ఆసుపత్రికి తరలించి చికిత్స అందిస్తున్నారు.
ఆయన ప్రస్తుతం తీవ్ర జ్వరంతో బాధపడుతున్నారు. బీపీ, పల్స్ రేటు, రెస్పిరేషన్ రేటు లాంటివి ఉండాల్సిన దాని కంటే తక్కువగా ఉండటంతో… ఆయన పరిస్థితి కాస్త ఆందోళనకరంగా ఉన్నట్టు వైద్యులు తెలిపారు.
ప్రస్తుతం ఆయనకు కృత్రిమంగా ఆక్సీజన్ అందిస్తున్నారు. లంగ్స్ లోనూ సమస్య ఉంది. ఆయన కోవిడ్ కు సంబంధించిన చికిత్సను వైద్యులు వెంటనే ప్రారంభించారు. రీజెనరాన్ అనే యాంటీబాడీస్ సిరంజీని కూడా ట్రంప్ కు ఇచ్చారు. యాంటీ బాడీస్ ఉత్పత్తి కావడం కోసం అన్ని రకాల ప్రయత్నాలు చేస్తున్నారు డాక్టర్లు.
ఇక.. ఆయన భార్య మెలనియాకు స్వల్పంగా దగ్గు, తలనొప్పి ఉన్నాయి. ఆమెకు పెద్దగా ఎటువంటి సమస్యలు లేవని ఆసుపత్రి వైద్యులు వెల్లడించారు.
తాను క్షేమంగానే ఉన్ననాని.. కొన్ని రోజుల పాటు ఆసుపత్రి నుంచే కార్యకలాపాలు కొనసాగిస్తానని.. ట్రంప్ ఓ వీడియోను రిలీజ్ చేశారు.
అయితే.. ఆయన వయసు 70 దాటడం, స్థూలకాయం, ఫ్యాట్ ఎక్కువగా ఉండటం వల్ల ఆయన శరీరం కొన్నిసార్లు చికిత్సకు సహకరించదేమో అని వైద్యులు అనుమానిస్తున్నారు.
https://twitter.com/realDonaldTrump/status/1312158400352972800